"Jaslar – náshebentlikke qarsımız!" tańlawı ótkeriledi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslar arasında náshebentlikke qarsı gúresiw hám salamat turmıs tárizin úgit-násiyatlawǵa qaratılǵan "Jaslar – náshebentlikke qarsımız!" tańlawı ótkeriledi.
Tańlawdıń filial basqıshı 2026-jıl 15-may kúni bolıp ótedi.
Tańlaw tómendegi 4 shárt tiykarında shólkemlestiriledi:
"Shıǵarma jazıw"
Qatnasıwshılar náshebentliktiń unamsız aqıbetleri, salamat turmıs tárizi hám jaslar mánawiyatı temalarında dóretiwshilik shıǵarma jazadı.
"Súwret salıw"
Temaga baylanıslı qolda sızılǵan dóretiwshilik hám kórkem jumıslar usınıladı.
"Qısqa videorolik"
Náshebentlikke qarsı gúresiw hám salamat turmıstı úgit-násiyatlawshı videorolikler kórsetiledi.
"Saxna kórinisi"
Komandalar tárepinen temaǵa baylanıslı saxnalıq shıǵıwlar hám dóretiwshilik kompoziciyalar atqarıladı.
Tańlaw juwmaǵında jeńimpaz komandalar diplom hám estelik sawǵaları menen sıylıqlanadı. Eń joqarı nátiyjeni qolǵa kirgizgen komanda tańlawdıń keyingi basqıshına qatnasıw jollamasına iye boladı.
Respublika basqıshında jeńimpazlardı úlken sıylıqlar kútpekte!
1-orın — 200 000 000 swm
2-orın — 150 000 000 swm
3-orın — 100 000 000 swm
Tańlawda qatnasıw tilegindegi student-jaslar Jaslar menen islesiw, ruwxıylıq hám aǵartıwshılıq bólimine múrájat etiwi soraladı.
Barlıq student-jaslardı usı tańlawda belsene qatnasıwǵa shaqıramız!
скачать dle 12.1
Telefon
E-mail
