Kompyuter sawatqanlig'i

Samarqand mamleketlik veterinariya medicinasi, sharwashılıq hám biotexnologiya universiteti Nókis filiali “Veterinariya hám zooinjeneriya” fakulteti “Ekonomika hám gumanitar pánler” kafedrasında náwbettegi “Programmalastıw tilleri hám olardıń túrleri” temasında “Kompyuter sawatqanlıģı” dógeregi ótkerildi.Dógerekti “Ekonomika hám gumanitar pánler” kafedrası oqıtıwshısı R. Abdullaev alıp bardı. Dógerek barısında qatnasıwshılarǵa búgingi kúndegi eń joqarǵı talapqa iye zamanagóy IT tarawı, sonıń ishinde Python, C++, Java, jаvascript sıyaqlı keń tarqalǵan programmalastıw tilleri hám olardıń keń imkanyatları, olardıń qollanılıw tarawları haqqında keńirek maǵlıwmat berildi.

Sonday-aq, dógerek dawamında qatnasıwshılar menen birgelikte pikir almasıwlar, dodalawlar shólkemlestirildi. Is-shara qatnasıwshılar tárepinen qızıǵıwshılıq penen qarsı alındı.

Dógerekti ótkeriwden tiykarǵı maqset – talabalardıń zamanaǵóy programmalastıw tilleri boyınsha bilimlerin keńeytiw, olardı sanlı texnologiyalar menen islesiwge baǵdarlaw hám IT salasına qızıǵıwshılıǵın arttırıwdan ibarat boldı.