Oqıw-metodikalıq basqarma talabalar ámeliyatı bólimi

Samarqand mámleketlik veterinariya medicinası, sharwashiliq hám  biotexnologiyalar  universiteti Nókis filialı Oqıw-metodikalıq basqarma talabalar ámeliyatı bólimi baslıǵı Ibragimov Jan'abay Isakovich +998(91)372-09-64 Ibragimovj@gmail.com

l. Bul úlgi reje hár bir joqarı bilimlendiriw mákemesi tárepinen studentlerdiń ámeliyat ótew tártibin islep shıǵıw, tastıyıqlaw hám onı shólkemlestiriwde paydalanıw ushın islep shıǵılǵan.
2. Usı Úlgi rejede tómendegi túsiniklerden paydalanıladı:

qánigelik ámeliyatı - teoriyalıq bilimlerdi bekkemlew, ámeliy kónlikpe hám tájiriybe payda etiwdi názerde tutatuǵın bilimlendiriw procesiniń tikkeley óndiris sharayatında dawam ettiriletuǵın quramlıq bólegi;
qabıl etiwshi shólkem - studentlerdiń qánigelik ámeliyatın ótewi ushın joqarı bilimlendiriw mákemesi menen belgilengen tártipte shártnama dúzgen, qánigelik ámeliyatın ótew ushın sharayatlar bar bolǵan shólkem;

joqarı bilimlendiriw mákemesinen qánigelik ámeliyat basshısı - oqıw júklemesinde studentlerdiń qánigelik ámeliyatına basshılıq etiw belgilengen joqarı bilimlendiriw mákemesiniń tiyisli kafedrası professor-oqıtıwshısı;
qabıl etiwshi shólkemnen mamanlıq ámeliyatı basshısı - qabıl etiwshi shólkem basshısınıń buyrıǵı menen studentlerge mamanlıq ámeliyatı dawamında olardı texnikalıq qáwipsizlik qaǵıydaları menen tanıstıratuǵın, ámeliy kónlikpe hám mamanlıqlardı qáliplestiriwge járdemlesetuǵın, ámeliyat dáwirinde student ielegen kónlikpelerdi bahalaw juwapkershiligi júklengen qabıl etiwshi shólkem xızmetkeri.

3. Qánigelik ámeliyatı bakalavriat tálim baǵdarları hám magistratura qánigelikleri oqıw (jumısshı oqıw) rejelerine muwapıq ekinshi kurstan baslap sistemalı túrde Filial tárepinen islep shıǵılatuǵın hám qabıl etiwshi shólkem menen kelisip tastıyıqlanatuǵın qánigelik ámeliyatı baǵdarlaması tiykarında ámelge asırıladı.

4. Bakalavriat tálim baǵdarları hám magistratura qánigelikleri oqıw (jumısshı oqıw) rejelerinde keltirilgen ulıwma kásiplik, qánigelik pánler blokındaǵı tiyisli pánlerdiń ámeliy shınıǵıw sabaqların tikkeley óndiris tarawınıń jetekshi kárxana, mákeme, shólkemlerinde tájiriybeli qánigelerdi tartqan halda tastıyıqlanǵan sabaq kestesi tiykarında shólkemlestiriw hám bul sabaqlardı qánigelik ámeliyatınıń bir bólegi sıpatında qabıl etiw múmkin. Onda, oqıw (jumısshı oqıw) rejelerinde belgilengen hám bólistirilgen saatlardıń tolıq orınlanıwın támiyinlew shárt.
Qánigelik ámeliyatı mazmunı onıń reje-kestesin hám baǵdarlamaları menen belgilenedi.

 5. Filial studentleri jumıs orınlarına dáslepki bólistiriwdi pitkeriwshi kurs aqırında emes, al ekinshi kurstan baslap ótkeriw hám barlıq túrdegi ámeliyatlardı jumısqa jollama alatuǵın kárxana, shólkem yamasa mákemede ótewin jolǵa qoyıw usınıs etiledi.

6. Filial bakalavriat tálim baǵdarları hám magistratura qánigelikleriniń ózine tánliginen kelip shıǵıp qánigelik ámeliyat túri anıqlanadı hám oqıw (jumısshı oqıw) rejesi tiykarında Filial Keńesi qararı menen tastıyıqlanadı. Bunda, studentlerdiń qánigelik ámeliyatın ótew dáwirin qabıl etiwshi shólkemniń jumıs alıp barıp atırǵan dáwirine sáykeslep qoyıw usınıs etiledi.

7. Qánigelik ámeliyatın ótkeriw boyınsha tiyisli qabıl etiwshi shólkem hám joqarı bilimlendiriw mákemesi arasında dúziletuǵın shártnamada oqıp atırǵan kursına qaramastan studentti sabaqtan tısqarı waqıtta bos orınǵa miynet haqı tólenetuǵın lawazımǵa waqtınsha jumısqa qabıl etiw haqqındaǵı bántler kirgiziliwi múmkin.

8. Studentler tájiriybe ámeliyatın ótewi májbúriy esaplanadı, tájiriybe ámeliyatın úzilsiz sebeplerge bola óte almaǵan studentler Filial direktorınıń buyrıǵına muwapıq belgilengen basqa múddette ámeliyat ótewi shárt.