"Karera kúni-2026" bos jumıs orınları miynet yarmarkası shólkemlestiriledi
Búgingi kúnde miynet bazarı barǵan sayın básekige shıdamlı tús alıp atırǵan bir waqıtta, jaslardıń bántligin támiyinlew, olardı múnásip jumıs orınlarına baǵdarlaw áhmiyetli máselelerden birine aylanbaqta.
Usı maqsette Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Karera kúni-2026" bos jumıs orınları miynet yarmarkası shólkemlestirilmekte.
2026-jıl 30-aprel kúni ótkeriletuǵın bul yarmarka jumıs izlewshiler ushın keń imkaniyatlar jaratadı, jumıs beriwshiler bolsa tájiriybeli hám potenciallı kadrlardı tikkeley tańlap alıw imkaniyatına iye boladı.
Ilaj dawamında:
jetekshi shólkemler hám kárxanalar tárepinen bos jumıs orınları usınıladı;
pitkeriwshi jaslar jumıs beriwshiler menen tikkeley sáwbetlesiw imkaniyatına iye boladı;
zamanagóy miynet bazarı talapları, kásiplik rawajlanıw jolları boyınsha ámeliy usınıslar beriledi;
jaslardıń óz potencialın kórsetiwi ushın ashıq pikirlesiw ortalıǵı jaratıladı.
Búgingi kúnde bunday yarmarkalar jaslardıń jumıs penen támiyinleniwinde nátiyjeli qural sıpatında ózin aqlap kelmekte. Ásirese, joqarı bilimlendiriw mákemesi hám óndiris arasındaǵı birge islesiwdi bekkemlewde áhmiyetli orın iyeleydi.
Usı múnásibet penen barlıq jumıs beriwshi shólkemlerdiń wákilleri, pitkeriwshi jaslar hám ǵalaba xabar qurallarınıń wákillerin usı yarmarkada belsene qatnasıwǵa shaqırıp qalamız.
Mánzil: Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı
Arzıwlarıńızdı real iske aylandırıw jolı usı jerden baslanadı!
скачать dle 12.1
Telefon
E-mail
