DÍQQAT XABARLANDÍRÍW! RESPUBLIKA ILIMIY-ÁMELIY KONFERENCIYASI
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı 2026-jıl 25-aprel kúni "Aralboyı regionında veterinariya hám sharwashılıqta zamanagóy innovaciyalıq sheshimler: imkaniyatlar, mashqalalar hám perspektivalar" atamasında respublikalıq kólemdegi ilimiy-ámeliy konferenciya ótkeriletuǵınlıǵın málim etedi.
Bul konferenciya Ózbekstan Respublikasınıń "Jańa Ózbekstan" rawajlanıw strategiyası hám "Ózbekstan ‒ 2030" strategiyasında belgilengen wazıypalardıń orınlanıwın támiyinlew, sonday-aq, Aralboyı regionında veterinariya hám sharwashılıq tarawların turaqlı rawajlandırıwǵa qaratılǵan áhmiyetli ilimiy platforma esaplanadı.
Konferenciyanıń tiykarǵı maqseti zamanagóy innovaciyalıq sheshimlerdi engiziw, ilim hám ámeliyat integraciyasın kúsheytiw, tarawdaǵı bar mashqalalardı ilimiy tiykarda talıqlaw hám perspektivalı baǵdarlardı rawajlandırıwdan ibarat.
Ótkeriw mánzili:
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı, Qaraqalpaqstan Respublikası, Nókis qalası, A.Utepov kóshesi 31-jay (indeks 230100)
Maqalalar qabıllaw múddeti: 20-aprelge shekem
Konferenciya bólimleri:
Veterinariya ámeliyatında innovaciyalıq diagnostika hám terapevtikalıq jantasıwlar.
Azıq-awqat bioqáwipsizligi hám agroinnovaciyalıq texnologiyalar.
Sharwashılıqta genetikalıq selekciya, biotexnologiya hám azıqlandırıw sistemaları.
Sharwashılıq tarmaǵında ekonomikalıq turaqlılıq hám nátiyjeli basqarıw mexanizmleri.
Maqala basıp shıǵarıw tólemi: 100 000 sum
Múrájat ushın: Telegram: +998913068270 (Mambetnazarov Amangeldi)
ÁHMIYETLI TALAPLAR:
Maqalalar 3-7 bet kóleminde bolıwı kerek.
"Times New Roman," 14 shrift.
Kirill yaki latın álipbesinde qabıl etiledi.
1,5 aralıq, belgilengen maydanlar saqlanıwı shárt.
Maqala analiz, ilimiy tiykar hám dálillerge iye bolıwı kerek.
Keste, grafik hám súwret penen tastıyıqlanǵan bolıwı usınıs etiledi
Maqalalar ózbek, qaraqalpaq, rus yaki inglis tillerinde tapsırılıwı múmkin.
Esletpe: jiberilgen maqalalar redaktorlanbaydı hám avtorlıq juwapkershilik tolıq avtor moynında boladı.
скачать dle 12.1
Telefon
E-mail
