Húrmetli filial jámááti, qádirli muǵallimler hám súyikli studentler!

    Sizlerdi kirip kiyatırǵan báhárdiń eń gózzal hám áyyemgi bayramı – Nawrız áyyamı menen shın kewlimnen qızǵın qutlıqlayman!

     Nawrız – bul jańalanıw, úmit, miyrim-shápáát hám bárkamallıq bayramı, tábiyattıń oyanıwı, xalqımızdıń qálbin quwanısh hám jigerlilik penen toltıratuǵın qutlı kún. Bul qutlı áyyam hár birimiz ushın jańa imkaniyatlar, ilham, eń jaqsı niyetler hám úlken tabıslar alıp kelsin.

    Húrmetli ustazlar! Sizlerdiń pidákerlik miynetińiz, bilim hám tárbiya beriwge bolǵan sadıqlıǵıńız, jas áwladqa haqıyqıy ruwxıy hám ilimiy ǵáziynelerdi jetkeriwde qosıp atırǵan úlesińiz sheksiz. Sizler arqalı hárbir studentimiz óz qábiletin jetilistirip, keleshekte elimiz hám dúnya rawajlanıwına múnásip úles qosadı.

     Áziz studentler! Sizler miynetkesh, tártipli hám bilimge umtılıp jasaytuǵın áwladsız. Ilimiy izertlewlerge, ruwxıy rawajlanıwǵa bolǵan umtılısıńız filialımızdıń abırayın jáne de joqarılatpaqta. Jańa bilimlerge umtılıwıńız siziń shańaraǵıńız hám elimiz keleshegin jarıtadı.

    Usı payızlı kúnlerde hárbir shańaraq tınıshlıq, abadanlıq hám baxıtqa tolı bolsın, hár birińizge densawlıq, tabıs hám jetiskenlik tileymen. Jańa báhár bársheńizge ilham, kúsh-ǵayrat hám jańa tabıslar alıp kelsin. Qutlı Nawrız áyyamı bárshemiz ushın baxıt, qut-bereket hám dóretiwshilik úlken jetiskenliklerdi baslaytuǵın jıl bolsın!

Nawrız bayramıńız múbárek bolsın!

Húrmet penen,  filial direktorı                       A.T. Esimbetov