Piyshembi — Jaslar kúni múnásibeti menen student-jaslar menen ushırasıw ótkerildi

---

💠Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Piyshembi — Jaslar kúni múnásibeti menen student-jaslar menen ushırasıw shólkemlestirildi.
Ilaj jaslardıń bos waqtın mazmunlı shólkemlestiriw, olardı ǵalabalıq sportqa keńnen tartıw hám salamat turmıs tárizin úgit-násiyatlaw maqsetinde ótkerildi.
💠Ushırasıwda Qaraqalpaqstan Respublikası Sport ministrligi Ǵalabalıq sport túrlerin rawajlandırıw bóliminiń baslıǵı I.Qudıyarov, Qaraqalpaqstan Respublikası Stol tennisi federaciyasınıń atqarıwshı direktorı B.Shiysenbaev, Qaraqalpaqstan futbol associaciyasınıń ǵalabalıq futboldı rawajlandırıw bóliminiń baslıǵı B.Narmanov hám filialdıń Jaslar máseleleri hám ruwxıy-aǵartıwshılıq isleri boyınsha direktor birinshi orınbasarı X.Abdijaliyev qatnastı.
Ilaj dawamında qánigeler tárepinen jaslar arasında sporttı rawajlandırıw, salamat turmıs tárizin keńnen úgit-násiyatlaw, student-jaslardı sport penen turaqlı shuǵıllanıwǵa tartıw máselelerine ayrıqsha itibar qaratıldı.
💠Sonday-aq, jaslardıń bos waqtın mazmunlı shólkemlestiriw, olardı fizikalıq belsendilikke shaqırıw hám ǵalabalıq sporttı rawajlandırıw baǵdarında ámelge asırılıp atırǵan jumıslar haqqında maǵlıwmatlar berildi.
💠Ushırasıw dawamında student-jaslar ózlerin qızıqtırǵan sorawlar menen qánigelerge múrájat etti. Juwapkerler tárepinen jaslardıń sportqa qızıǵıwshılıǵın bunnan bılay da arttırıw, sport infrastrukturasınan nátiyjeli paydalanıw hám ǵalabalıq sport jarısların keńnen jolǵa qoyıw máseleleri boyınsha pikir alısıldı.
💠Ilaj juwmaǵında bunday ushırasıwlar student-jaslar arasında salamat turmıs tárizin qáliplestiriw, sportqa qızıǵıwshılıqtı jáne de kúsheytiw hám jaslardı fizikalıq jaqtan salamat hám belsendi bolıp ósiwinde ayrıqsha áhmiyetke iye ekeni atap ótildi.

🔹🔹🔹🔹🔹🔹🔹🔹🔹🔹скачать dle 12.1