DIREKTOR MÚRÁJATÍ

DIREKTOR MÚRÁJATÍ

Húrmetli professor-oqıtıwshılar, qádirli studentler hám filial jámááti!

Usı jıldıń 24-fevral kúni “Kóksaray” rezidenciyasında bolıp ótken ashıqtan-ashıq sáwbette Prezidentimiz Shavkat Mirziyoyev tárepinen alǵa qoyılǵan baslamalar mámleketimizde jaslar siyasatı, bilimlendiriw hám isbilermenlikti rawajlandırıwda pútkilley jańa basqıshtı baslap berdi. Bul tariyxıy sáwbet Jańa Ózbekstannıń rawajlanıwında ilim, innovaciya hám jaslar baslamasın tiykarǵı “drayver” sıpatında belgilep berdi.

Bul wazıypalar Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialı jámááti aldına da anıq, sistemalı hám ámeliy ilajlardı keshiktirmey ámelge asırıw juwapkershiligin júkleydi. Usı múnásibet penen filialda tómendegi strategiyalıq baǵdarlar boyınsha kompleksli dástúr islep shıǵıldı:

1. “Keleshek isbilermeni” – jas veterinar hám sharwalar ekosisteması 

Filial janında “Agrovet Start-up Hub” innovaciyalıq orayı shólkemlestiriledi. Ol tómendegi baǵdarlarda jumıs alıp baradı:

• Qospalar (vitaminler, minerallar, premiksler) tiykarında aralas jem islep shıǵarıw;

•Zamanagóy laboratoriyalıq diagnostika hám molekulyar usıllar;

•Veterinariya klinikaları ushın IT-platformalar.

Oray sheńberinde:

•Biznes-inkubaciya baǵdarlaması (6 aylıq akseleraciya);

•Investorlar kúni (Demo Day);

•Startaplar ushın grant tańlawları;

2. Qaraqalpaqstan Respublikasınıń alıs sharwashılıqqa beyimlestirilgen rayonlarında zamanagóy zoovetservis tarmaǵın rawajlandırıw

Aymaqlıq veterinariya xızmetlerin sapa jaǵınan jańa basqıshqa alıp shıǵıw maqsetinde:

•Mini-laboratoriyalar hám mobil diagnostika punktlerin shólkemlestiriw;

•Shetki aymaqlarda xızmet kórsetiwshi qánigeler ushın qánigelik arttırıw kursları shólkemlestiriledi.

Xalıqaralıq sertifikatqa iye hám shet tillerin biletuǵın studentlerimizge joybar hújjetlerin tayarlaw, grantlarǵa arza beriw, investiciya tartıw hám huqıqıy dizimnen ótkeriw processlerinde ámeliy járdem kórsetiledi.

3. Finanslıq qollap-quwatlaw hám institut kepilligi mexanizmi

“Ózbekstan Milliy banki” menen birgelikte:

•Jeńilletilgen kredit liniyaları;

•“Institut kepilligi” tiykarında jas isbilermenlerdi qollap-quwatlaw;

• Joybarlardıń ekonomikalıq nátiyjeliligin ekspertiza etiw sisteması engiziledi.

Filialda “Agro-Consulting Center” jumısı kúsheytilip, hárbir studenttiń ideyası ekonomikalıq tiykarlanǵan joybarǵa aylandırıladı.

4. “Meniń birinshi kásibim” - dual tálim hám sertifikatlaw sisteması

Iri agroklasterler, qusshılıq hám balıqshılıq xojalıqları menen birge islesiwdi jańa basqıshqa alıp shıǵamız. Endi pitkeriwshiler:

• Mámleketlik úlgidegi diplom;

•Eń keminde bir ámeliy tar qánigelik sertifikatı (jasalma tuqımlandırıw ustası, UZI diagnostikası qánigesi, laboratoriya analitikası hám t.b.);

•Real jumıs stajına iye bolǵan halda oqıwdı tamamlaydı.

Ámeliyat dáwirinde studentlerdiń miynetine haqı tólew hám jumıs beriwshi tárepinen jumısqa ornalasıw kepilligi mexanizmleri islep shıǵıladı.

5. Ilim, innovaciya hám jumıs orınların jaratıw.

Filialda:

“Spin-off” innovaciyalıq kárxanaları;

• Biologiyalıq aktiv qospalar (vitaminler, minerallar, premiksler) tiykarında aralas jem islep shıǵarıw laboratoriyaları;

Xalıqaralıq birge islesiw sheńberinde birgeliktegi ilimiy izertlewler, akademiyalıq mobillik baǵdarlamaları hám sırt el ilimiy oraylarında stajirovkalar shólkemlestiriledi.

Sanlı transformaciya hám basqarıwdıń ashıq sisteması.

• “Elektron universitet” platforması;

•Ilimiy joybarlardıń onlayn monitoringi;

•Startap hám grantlardı sanlı bahalaw sisteması;

•Bilimlendiriwdiń sapasın xalıqaralıq reytingler talapları tiykarında bahalaw engiziledi.

7. Jas ilimpazlar hám hayal-qızlar baslamaların qollap-quwatlaw.

•Ilimiy grantlar alıw ushın járdemlesiw;

•Liderlik hám isbilermenlik treningleri;

• Zooinjeneriya tarawında hayal-qızlar ushın startap baǵdarlamaları shólkemlestiriledi.

Áziz jaslar! Siziń hárbir innovaciyalıq ideyańız mámleketimiz azıq-awqat qáwipsizligi, salamat sharwashılıq hám eksport potencialın arttırıwǵa xızmet etedi. Biziń wazıypamız sizge tek bilim beriw emes, al jumıs ornın jaratıw, sizdi isbilermenge aylandırıw, ilimiy mektep qáliplestiriw hám xalıqaralıq dárejede básekige shıdamlı qánige etip tárbiyalaw bolıp tabıladı.

Biz birgelikte Qaraqalpaqstanda veterinariya hám sharwashılıq tarawında regionallıq innovaciyalıq oray jaratamız. Keleshegimiz tiykarı bolǵan Jańa Ózbekstandı joqarı bilim, ilimiy potencial hám zamanagóy texnologiyalar tiykarında birgelikte quramız!

Húrmet penen,

Samarqand mámleketlik veterinariya medicinası, sharwashılıq

hám biotexnologiyalar universiteti Nókis filialınıń direktorı,

biologiya ilimleriniń doktorı, professor                                              Esimbetov A.T.