Filial studenti Ibrayım Yusupov atındaǵı...

---

✅ (https://t.me/eduuz/42277) Kúni keshe (https://t.me/eduuz/42277) bakalavriat basqıshı boyınsha Prezident hám ataqlı mámleketlik stipendiyalar jeńimpazları tastıyıqlandı. Bul abıraylı dizimde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı "Veterinariya sanitariyalıq ekspertizası" tálim baǵdarınıń 4-kurs studenti Amirova Laylo Tohir qızı da múnásip orın iyeledi.
✅Ol Ibrayım Yusupov atındaǵı mámleketlik stipendiya jeńimpazı boldı. Laylonıń ilimiy basshısı – "Veterinariya diagnostikası hám azıq-awqat qáwipsizligi" kafedrası baslıǵı, biologiya ilimleri boyınsha filosofiya doktorı (PhD), docent Rzaev Raxat Muratbaevich bolıp esaplanadı.
✅Ustaz-shákirt birge islesiwi nátiyjesinde Laylo ilimiy izleniwler alıp barıp, ilimiy maqalalardı baspadan shıǵarıp kelmekte.
✅Qábiletli studentimiz bos waqıtların da nátiyjeli ótkeriwge umtıladı. Ol ilim menen shuǵıllanıwdı, ustazlarınan jol-joba alıp, jańa bilim hám tájiriybelerdi iyelewdi ózine maqset etip qoyǵan.
✅Sonıń menen birge, Laylo kitap oqıwdı jaqsı kóredi hám hár qıylı kitapqumarlıq tańlawlarında belsene qatnasıp kelmekte. Onıń bilimge qushtarlıǵı, izleniwden toqtamawı teńleslerine de órnek bolıp xızmet etpekte.
✅Bunday jetiskenlik –  tek ǵana studenttiń jeke tabısı emes, al filialda jaratılǵan ilimiy ortalıq, ustazlardıń pidáyi miyneti hám jaslardıń potencialın qollap-quwatlaw baǵdarında alıp barılıp atırǵan izbe-iz jumıslardıń ayqın nátiyjesi bolıp esaplanadı.
💐Usı múnásibet penen filial jámááti atınan Amirova Laylo Tohir qızın usı joqarı jetiskenlik penen qızǵın qutlıqlaymız. Keleshektegi ilimiy jumısında úlken tabıslar, jańa shekler hám jeńisler tileymiz!
скачать dle 12.1