Ruwxıy-aǵartıwshılıq jumıslar boyınsha...

---

Ruwxıy-aǵartıwshılıq jumıslar boyınsha juwapkerlerdiń qatnasıwında profilaktikalıq májilis shólkemlestirildi

💠Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı X.Abdijaliyevtiń basshılıǵında juwapker xızmetkerler, tyutorlar hám topar basshılarınıń qatnasıwında ruwxıy-aǵartıwshılıq májilis bolıp ótti.
💠Májiliste joqarı bilimlendiriw mákemesinde salamat sociallıq ortalıqtı bekkemlew, jaslar tárbiyasına juwapker xızmetkerlerdiń jumısın bunnan bılay da kúsheytiw, studentler arasında hár qıylı unamsız jaǵdaylardıń aldın alıw máseleleri dodalandı. Atap aytqanda, náshebentlik, ishiwshilik, temeki ónimlerinen paydalanıw sıyaqlı zıyanlı illetlerdiń jaslar turmısına unamsız tásiri, olardıń keleshegine úlken qáwip tuwdıratuǵını ayrıqsha atap ótildi.
💠Sonıń menen birge, bunday illetlerge qarsı sistemalı úgit-násiyat jumısların alıp barıw, túsindiriw hám profilaktika ilajların turaqlı shólkemlestiriw zárúr ekenligi atap ótildi. Sonday-aq, jaslardı hár qıylı zıyanlı ideyalar hám nadurıs málimlemeden qorǵaw, internet hám sociallıq tarmaqlardaǵı málimleme aǵımlarınan sanalı hám durıs paydalanıw mádeniyatın qáliplestiriw máselelerine de toqtap ótildi.
💠Májilis dawamında tyutorlar hám topar basshılarına studentler menen individual islesiw, olardıń mashqalaların úyreniw, bos waqıtların mazmunlı shólkemlestiriw hám salamat turmıs tárizin úgit-násiyatlaw boyınsha anıq wazıypalar belgilep berildi.
💠Ilaj juwmaǵında bunday ruwxıy-aǵartıwshılıq májilislerdi turaqlı ótkerip barıw jaslar arasında salamat ortalıqtı támiyinlewde úlken áhmiyetke iye ekeni atap ótildi.скачать dle 12.1