Daǵaza: Respublikalıq ilimiy-ámeliy konferenciyası
"Veterinariya medicinasınıń zamanagóy ilim jetiskenlikleri hám sharwashılıqtı rawajlandırıwdıń perspektivaları" atamasındaǵı Respublikalıq ilimiy-ámeliy konferenciyası.
Húrmetli kásiplesler!
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı Sizdi 2025-jıl 23-may kúni "Veterinariya medicinası hám farmakologiyası" kafedrası baslaması menen ótkeriliwi rejelestirilgen "Veterinariya medicinasınıń zamanagóy ilim jetiskenlikleri hám sharwashılıqtı rawajlandırıwdıń perspektivaları" atamasındaǵı Respublikalıq ilimiy-ámeliy konferenciyasına qatnasıwǵa qızǵın mirát etedi.
Bul konferenciya Ózbekstan Respublikası Prezidentiniń 2022-jıl 31-marttaǵı PP-187-sanlı qararınıń 4-qosımshası 19-bántinde belgilengen wazıypalardı ámelde orınlaw, tarawǵa baylanıslı ilimiy izleniwlerdiń nátiyjelerin dodalaw, ilimiy-ámeliy tájiriybe almasıw, sonday-aq, veterinariya hám sharwashılıq baǵdarında jumıs alıp barıp atırǵan qánige, ilimpaz hám izleniwshilerdi birlestiriw maqsetinde shólkemlestirilmekte.
Konferenciyada qatnasıw arqalı Siz tek ǵana óz ilimiy jetiskenliklerińizdi usınıs etip qoymastan, al tarawǵa baylanıslı áhmiyetli máselelerdi dodalaw, innovaciyalıq ideyalar menen ortaqlasıw hám ilimiy birge islesiw baylanısların bekkemlew imkaniyatına iye bolasız.
Siziń qatnasıwıńız biz ushın úlken maqtanısh boladı!
Konferenciya tómendegi sekciyalarda jumıs alıp baradı:
1.Veterinariya medicinası hám farmakologiyasında innovaciyalıq qatnaslar hám ilimiy jetiskenlikler.
2. Veterinariyada azıq-awqat qáwipsizligi hám diagnostikanıń áhmiyetli mashqalaları.
3. Awıl xojalıǵı haywanların azıqlandırıw hám ot-jem tayarlaw usılları.
Ótkeriliw mánzili:
Ózbekstan Respublikası, Qaraqalpaqstan Respublikası, Nókis qalası, A. Utepov kóshesi, 31-jay, SamVMShBU Nókis filialınıń bas imaratı.
Rásmiy tiller:
Qaraqalpaq, ózbek, qazaq, rus, inglis.
Tezis jiberiw múddeti: 2025-jıl 15-mayǵa shekem
Baylanıs: nurjayna.aynura@gmail.com +998 91 376 99 92 (Telegram) (Aynura Kamalova)
Tólem muǵdarı: 100 000 swm.
Málimleme xızmeti
скачать dle 12.1
Telefon
E-mail
