Kompleks davlat akkreditatsiyasi doirasida filial faoliyati yuzasidan taqdimot o‘tkazildi
14 сен 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Talabalikning dastlabki kunlari ochiq muloqot bilan boshlandi
Samarqand davlat veterinariya meditsinasi, chorvachilik va biotexnologiyalar universiteti Nukus filialida yangi o‘quv yilining dastlabki kunlari talabalik hayotiga endigina qadam qo‘ygan yoshlar uchun yangi taassurotlar, tanishuvlar va muhim suhbatlar bilan davom etmoqda. Payshanba — “Yoshlar kuni” doirasida filial direktori A.Esimbetovning birinchi bosqich talabalari bilan uchrashuvi ham yoshlar uchun mazmunli suhbatlardan biriga aylandi. “Yagona Vatan, yagona xalq bo‘lib, yangi hayot va kelajak yarataylik!” shiori ostida tashkil etilgan “Tanishtiruv haftaligi” doirasida o‘tkazilgan uchrashuvda yoshlarning oliy ta’limdagi ilk qadamlari, ular uchun yaratilgan imkoniyatlar hamda talabalik davridan unumli foydalanish masalalari atroflicha muhokama qilindi. Kecha ular uchun maktabdagi so‘nggi qo‘ng‘iroq, bugun esa oliygohning yangi muhiti. Auditoriyalar, professor-o‘qituvchilar, kursdoshlar, mustaqil ta’lim va tanlagan kasb yo‘lidagi dastlabki mas’uliyat — bularning barchasi birinchi bosqich talabasi uchun yangi tajriba. Shu bois yangi o‘quv yilining ilk kunlarida berilgan to‘g‘ri yo‘nalish va ochiq suhbat yoshlarning universitet hayotiga moslashuvida alohida o‘rin tutadi. Uchrashuvda talabalar filialdagi ta’lim jarayoni, darsdan tashqari faoliyat, ilmiy izlanishlar, turli tanlov va loyihalarda ishtirok etish, yoshlar tashabbuslarini qo‘llab-quvvatlashga qaratilgan imkoniyatlar haqida savollar berdi. Har bir savol ortida talabalikning ilk kunlaridayoq o‘z yo‘lini topishga intilayotgan yoshlarning qiziqishi va izlanishi sezilib turdi. Filial direktori A.Esimbetov suhbat davomida talabalarga o‘z oldiga aniq maqsad qo‘yish, vaqtni qadrlash, tanlagan mutaxassisligini chuqur o‘rganish va universitetda yaratilayotgan imkoniyatlardan faol foydalanish yuzasidan tavsiyalar berdi. Ayniqsa, veterinariya meditsinasi, chorvachilik va biotexnologiya kabi amaliy bilim va doimiy izlanishni talab qiladigan yo‘nalishlarda tahsil olayotgan yoshlarning o‘z kasbiga mas’uliyat bilan yondashishi zarurligiga e’tibor qaratildi. Chunki bugungi talaba ertangi kunning mutaxassisi. Uning auditoriyada olgan bilimi, laboratoriyada orttirgan ko‘nikmasi va mustaqil izlanishi kelgusidagi kasbiy faoliyatining poydevorini belgilaydi.
Ochiq muloqot davomida talabalar o‘zlarini qiziqtirgan masalalar yuzasidan bevosita filial rahbariyatiga murojaat qilish imkoniga ega bo‘ldi. Yoshlarning taklif va fikrlari tinglanib, bildirilgan savollarga batafsil javoblar berildi.
Bugun talabalikning ilk sahifalari ochilmoqda. Bu sahifalarda esa har bir yoshning o‘z izlanishi, o‘z mehnati va o‘z maqsadi bilan bitiladigan katta yo‘l bor.
Ochiq muloqot davomida talabalar o‘zlarini qiziqtirgan masalalar yuzasidan bevosita filial rahbariyatiga murojaat qilish imkoniga ega bo‘ldi. Yoshlarning taklif va fikrlari tinglanib, bildirilgan savollarga batafsil javoblar berildi.
Bugun talabalikning ilk sahifalari ochilmoqda. Bu sahifalarda esa har bir yoshning o‘z izlanishi, o‘z mehnati va o‘z maqsadi bilan bitiladigan katta yo‘l bor.
