“Karera kuni–2026” bo‘sh ish o‘rinlari mehnat yarmarkasi tashkil etiladi

Bugungi kunda mehnat bozori tobora raqobatbardosh tus olayotgan bir paytda, yoshlarning bandligini ta’minlash va ularni munosib ish o‘rinlariga yo‘naltirish dolzarb masalalardan biridir. Shu maqsadda Samarqand davlat veterinariya meditsinasi, chorvachilik va biotexnologiyalar universiteti Nukus filialida “Karera kuni–2026” bo‘sh ish o‘rinlari mehnat yarmarkasi tashkil etilmoqda.

2026-yil 30-aprel kuni o‘tkaziladigan mazkur yarmarka ish izlovchilar uchun keng imkoniyatlar yaratadi, ish beruvchilar esa malakali va salohiyatli kadrlarni bevosita tanlab olish imkoniga ega bo‘ladi.

Tadbir davomida yetakchi tashkilot va korxonalar tomonidan yuzlab bo‘sh ish o‘rinlari taqdim etiladi, bitiruvchi yoshlar ish beruvchilar bilan to‘g‘ridan-to‘g‘ri muloqot qilish imkoniga ega bo‘ladi, zamonaviy mehnat bozori talablari va kasbiy rivojlanish yo‘llari bo‘yicha amaliy tavsiyalar beriladi, yoshlarning o‘z salohiyatini namoyon etishi uchun ochiq muloqot muhiti yaratiladi.

Bugungi kunda bunday yarmarkalar yoshlarning ish bilan ta’minlanishida samarali vosita sifatida o‘zini oqlab kelmoqda hamda oliy ta’lim muassasalari va ishlab chiqarish o‘rtasidagi hamkorlikni mustahkamlashda muhim ahamiyat kasb etadi.

Shu munosabat bilan barcha ish beruvchi tashkilotlar vakillari, bitiruvchi yoshlar hamda ommaviy axborot vositalari vakillari mazkur yarmarkada faol ishtirok etishga taklif etiladi.

Manzil: Samarqand davlat veterinariya meditsinasi, chorvachilik va biotexnologiyalar universiteti Nukus filiali

Orzularingizni real ishga aylantirish yo‘li shu yerdan boshlanadi.