Otlarning oshqozon bo‘kasi (gastrofilyoz) lichinkalari bilan zararlanishi” mavzusida xo‘jalik va laboratoriya tajribalarining aprobatsiyasi bo’lib o’tdi.

Samarqand davlat veterinariya meditsinasi, chorvachilik va biotexnologiyalar universiteti Nukus filiali 16.00.04 — «Veterinariya farmakologiyasi va toksikologiyasi. Veterinariya sanitariyasi, ekologiyasi, zoogigienasi va veterinar-sanitariya ekspertizasi» ixtisosligi bo‘yicha tayanch doktoranti Erimov Sirojiddin Farhodovich tomonidan 2026 yil 14-fevral kuni “Qoraqalpog‘iston Respublikasi sharoitida turli yoshdagi otlarning oshqozon bo‘kasi (gastrofilyoz) lichinkalari bilan zararlanishi” mavzusida  xo‘jalik va laboratoriya tajribalarining aprobatsiyasi bo’lib o’tdi.

Mazkur jarayon “Veterinariya meditsinasi va farmakologiyasi” kafedrasi “Patologik anatomiya, gavda yorish va veterinariya sud ekspertizasi” laboratoriyasida amalga oshirildi.

Tayanch doktorant tomonidan taqdim etilgan namunalar asosida otlar oshqozon entomozi (gastrofilyoz)ning turli yosh guruhlaridagi otlarda uchrash holati aprobatsiya komissiyasi a’zolariga amaliy tarzda namoyish etildi. Jarayon davomida komissiya a’zolari tomonidan kuzatilgan natijalar muhokama qilinib, tegishli ilmiy xulosa berildi.