Filial talabasi Ibroyim Yusupov nomidagi davlat stipendiyasi sohibasi bo‘ldi

---

✅Kuni kecha (https://t.me/eduuz/42277) bakalavriat bosqichi bo‘yicha Prezident hamda nomli davlat stipendiyalari g‘oliblari tasdiqlandi. Ushbu nufuzli ro‘yxatda Samarqand davlat veterinariya meditsinasi, chorvachilik va biotexnologiyalar universiteti Nukus filiali “Veterinariya sanitariya ekspertizasi” ta’lim yo‘nalishining 4-bosqich talabasi Amirova Laylo Tohir qizi ham munosib o‘rin egalladi.
✅U Ibroyim Yusupov nomidagi davlat stipendiyasi g‘olibi bo‘ldi.
Layloning ilmiy rahbari – “Veterinariya diagnostikasi va oziq-ovqat xavfsizligi” kafedrasi mudiri, biologiya fanlari bo‘yicha falsafa doktori (PhD), dotsent Rzaev Raxat Muratbaevich hisoblanadi. Ustoz-shogird hamkorligi natijasida Laylo ilmiy izlanishlar olib borib, ilmiy maqolalar chop ettirib kelmoqda.
✅Iqtidorli talaba bo‘sh vaqtlarini ham samarali o‘tkazishga intiladi. U ilm-fan bilan shug‘ullanishni, ustozlaridan yo‘l-yo‘riq olib, yangi bilim va tajribalarni egallashni o‘ziga maqsad qilib qo‘ygan. Shu bilan birga, Laylo kitob mutolaasini sevadi va turli kitobxonlik tanlovlarida faol ishtirok etib kelmoqda.
Uning bilimga chanqoqligi, izlanishdan to‘xtamasligi tengdoshlariga ham o‘rnak bo‘lib xizmat qilmoqda.
✅Bunday yutuq – nafaqat talabaning shaxsiy muvaffaqiyati, balki filialda yaratilgan ilmiy muhit, ustozlarning fidokorona mehnati hamda yoshlarning salohiyatini qo‘llab-quvvatlash borasida olib borilayotgan izchil ishlarning yorqin natijasidir.
💐Shu munosabat bilan filial jamoasi nomidan Amirova Laylo Tohir qizini ushbu yuksak yutuq bilan samimiy tabriklaymiz. Kelgusidagi ilmiy faoliyatida ulkan muvaffaqiyatlar, yangi marralar va zafarlar tilaymiz!скачать dle 12.1