SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

9 декабрь- Халқаро коррупцияга қарши кураш куни муносабати билан буклетлар тарқатилди

Бугун 9 декабрь- Халқаро коррупцияга қарши кураш куни. Ушбу сана муносабати билан Коррупцияга қарши курашиш "комплаенс-назорат" тизимини бошқариш бўлими бош мутахассиси Қ.Жиенбаев, Ахборот хизмати раҳбари З.Хожамуратова ҳамда профилактика инспектори, катта лейтенант Қ.Қайпназаровлар томонидан филиал профессор-ўқитувчилари, ходимлар ҳамда талаба-ёшларга мавзуга оид буклетлар тарқатилди.

Тадбир давомида талаба-ёшларга сўнгги йилларда мамлакатимизда коррупциянинг олдини олиш ва унга қарши курашиш соҳасида амалга оширилаётган чора-тадбирлар ҳақида кенг тушунчалар бериб ўтилди. Олий таълим соҳасини коррупциядан ҳоли соҳага айлантириш, талаба-ёшлар ўртасида ушбу иллатга нисбатан муросасиз муносабатларни шакллантириш хусусида сўз юритилди.

Бугунги санани муносиб тарзда нишонлаш мақсадида ташкил этилган ушбу тадбир доирасида буклетлар тарқатиб чиқилди ва мавзу бўйича ўзаро фикр алмашилди. Жамият ривожига ва тараққиётимизга болта урадиган ушбу иллатга биргаликда қарши кураш олиб борсак, барча соҳанини коррупциядан ҳоли тизимга айлантиришга эришамиз ва шаффофликни таъминлаймиз.
Маълумот учун, БМТ Бош Ассамблеясининг 2003-йил 21-ноябрдаги резолюциясига мувофиқ, 9-декабр – “Халқаро коррупцияга қарши кураш куни” сифатида эълон қилинган.