SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Коррупцияга қарши биргаликда курашамиз” мавзусида иншолар танловининг ғолиблари аниқланди

Самарқанд давлат ветеринария медицинаси, чорвачилик ва биотехнологиялар университети Нукус филиали Коррупцияга қарши курашиш "комплаенс-назорат" тизимини бошқариш бўлими бош мутахассиси Қ.Жиенбаев томонидан 9 декабрь - халқаро коррупцияга қарши кураш куни муносабати билан “Коррупцияга қарши биргаликда курашамиз” мавзусида иншолар танлови эълон қилинган эди. Бугун маънавият ва маърифат хонасида ушбу иншолар танлови ғолибларини тақдирлаш маросими бўлиб ўтди.

Тадбирда Ахборот хизмати раҳбари З.Хожамуратова, Ёшлар билан ишлаш, маънавият ва маърифат бўлими бошлиғи А.Сейткамалов, Коррупцияга қарши курашиш "комплаенс-назорат" тизимини бошқариш бўлими бош мутахассиси Қ.Жиенбаев, тьюторлар Э.Джумабаева ҳамда Р.Хожаметов ва талаба-ёшлар қатнашди. Тадбир бошида А.Сейткамалов сўзга чиқиб, мана шундай танловларни ташкил этиб бориш орқали талабаларнинг ўз ижодий қобилиятларини юзага чиқариши учун қулай имкониятларни яратиб бериш сингари эзгу мақсад кўзланганлигини таъкидлаб ўтди. Қ.Жиенбаев томонидан якуний натижалар эълон қилинди. Демак, натижалар қуйидагича:
1-ўрин — 2-босқич 202-гуруҳ талабаси Султанбек Китайбеков;
2-ўрин— 2-босқич 210-гуруҳ талабаси Байрам Калиев;
3-ўрин— 1-босқич 104-гуруҳ талабаси Айзада Абдинайимова.
Шундан сўнг тақдирлаш маросими ўтказилди. Яъни, мана шу 3 нафар ғолибга диплом ва эсдалик совғалари топширилди. З.Хожамуратова ўз нутқида ғолиб бўлган талаба-ёшларни табриклаб, келгусида шу каби танловларга янада фаол иштирок этишга чорлаб қолди. Мана шундай мавзуларда танловларни ташкил этиб бориш, олий таълим соҳасида коррупцияга қарши курашиш бўйича олиб борилаётган ишлар самарасини янада орттиришга замин яратиб беради деб ўйлаймиз.