SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Талабалар 21131 ҳарбий қисмда очиқ эшиклар кунида иштирок этишди

Самарқанд ветеринария медицинаси институти Нукус филиалининг талаба-ёшлари гуруҳ тьюторлари бошчилигида 21131 ҳарбий қисмда "Миллий армиямиз - ёшлар нигоҳида" шиори остида ўтказилган очиқ эшиклар кунида иштирок этишди. Талабалар очиқ эшиклар куни доирасида у ердаги ўқув хоналари, кутубхона, кичик дала ўқув майдони билан яқиндан танишди. Шунингдек, ҳарбий хизматчилар учун яратилган шарт-шароитларни кўздан кечирди.

Тадбир давомида ташриф буюрган меҳмонларга ҳарбийларнинг жанговор тайёргарлик маҳоратлари ҳамда жанговор қуроллар номойиши ўтказилди, чавандозлар жамоасининг бир биридан қизиқарли чиқишлари намойиш этилди. Ушбу тадбирда филиал талаба-ёшларининг фаол иштирок этишидан кўзланган мақсад улар қалбида садоқат, ватанпарварлик каби туйғуларини шакллантириб боришдан иборат. Шу билан бирга улар ватан ҳимояси шарафли бурч эканлигини янада чуқурроқ англаб етади. Филиал талабалари 21131 ҳарбий қисмда ташкиллаштирилган очиқ эшиклар кунида фаол қатнашиб илиқ таассуротларга эга бўлишди.