Филиал жамоаси “Яшил макон” умуммиллий лойиҳасида ўз ҳиссасини қўшаётганидан мамнун

Самарқанд ветеринария медицинаси институти Нукус филиали талаба-ёшлари “Яшил макон” умуммиллий лойиҳасида фаол иштирок этишмоқда. Улар ўзимиз яшаб турган худудимизни  “Яшил маконга айлантириш”да ўз ҳиссасини қўшаётганидан жуда мамнун. Филиал директори Адилбай Есимбетов ҳам жараёнда бевосита иштирок этиб, дарахт кўчатларини экиш билан биргаликда талаба-ёшларни руҳлантирмоқда.  Республикамиз бўйлаб давом этаётган "Долзарб 40 кунлик" акцияси доирасида филиал раҳбарияти, профессор-ўқитувчилари ҳамда талаба-ёшлар ҳамжиҳатликда иштирок этиб манзарали дарахт ва бута кўчатларини экишмоқда. Маълумот учун,  “Яшил макон” умуммиллий лойиҳаси доирасида Қорақалпоғистонда  14 миллион тупдан  дарахт ва бута кўчатлари экилиши режалаштирилган. Шуни алоҳида таъкидлаб ўтиш жоиз, Қорақалпоғистон Республикаси Вазирлар Кенгаши томонидан шаҳримизнинг экологик шароитини ҳамда ҳаво тозалигини яхшилаш, ёшлар орасида экологик маданиятни  шакллантириш мақсадида пойтахтимиз худудида ўтказилган “Яшил макон” лойиҳасида фаол иштирок этганлиги учун филиал жамоаси ташаккурнома билан тақдирланди. Филиал жамоаси ушбу эзгу ишда фаол иштирок этишни давом этади. Муҳими барчамизнинг саломатлигимизга фойдали бўлган лойиҳада  ўз ҳиссамизни қўшаётганимиздан мамнунмиз.