SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Қувноқлар ва зукколар” кўрик-танловида ғолиблик кубогини қайси жамоа қўлга киритди?

Самарқанд ветеринария медицинаси институти Нукус филиалида “Қувноқлар ва зукколар” кўрик-танлови бўлиб ўтди. 5 та ташаббус доирасида ёшларнинг бўш вақтларини мазмунли ўтказиш мақсадида филиал Ёшлар иттифоқи бошланғич ташкилоти етакчиси А.Шерипбаев томонидан ташкиллаштирилган мазкур кўрик-танловда филиалда таҳсил олаётган 1 ва 2-босқич талабаларидан ташкил топган жами 3 та жамоа иштирок этишди. Кўрик-танлов давомида ҚВЗ ўйинларида етарли тажрибага эга бўлган Б.Қутлымуратов, А.Назаров ҳамда Қ.Сарсенбаевлар ҳакамлик қилишди. Ўйинда талабалар 3 шарт бўйича ўзаро беллашди. Таъкидлаш жоизки, филиалда биринчи марта ўтказилган “Қувноқлар ва зукколар” кўрик-танлови кўтаринки кайфиятда ва аъло даражада бўлиб ўтди. Иштирок этган 3 та жамоа ҳам яхши тайёргарлик кўргани ва масъулият билан ёндашгани ўйин давомида ёққол сезилиб турди. Шунингдек, улар саҳна маданиятига ҳам алоҳида эътибор қаратди. Барчага бирдек қувноқ кайфият улашган “Қувноқлар ва зукколар” кўрик-танловининг якуний натижаларига кўра, Зооинженерия:Балиқчилик йўналишининг 1-босқич 214-215-гуруҳ талабаларидан ташкил топган “SamVMI Life” жамоаси 1-ўринни эгаллаб ғолибликни қўлга киритишди. Зооинженерия:Йилқичилик ва туячилик йўналишининг 2-босқич талабаларининг “Шўх йигитлар” жамоаси 2-ўринни эгаллашган бўлса, Ветеринария медицинаси йўналиши 1-босқич 206-гуруҳ талабалари “Анастасия” жамоаси 3-ўринни олишга муяссар бўлди. Филиал директори А.Есимбетов бугунги ўйин ҳақида ўз фикрларини билдириб, иштирокчиларнинг ютуқ ва камчиликларини таъкидлаб ўтди. Шундан сўнг ғолиб жамоага кубок ва қимматбаҳо совға топширди. Иккинчи ва учинчи ўринни эгаллаган жамоалар ҳам муносиб тарзда тақдирланди. Ғолиб жамоа сардори А.Қушқаров “Қувноқлар ва зукколар” кўрик-танлови завқли тарзда бўлиб ўтганлигини таъкидлаб, ташкилотчиларга ўз миннатдорчилигини билдириб ўтди. Албатта, келгусида қобилиятли талаба-ёшларни бирлаштирган ҳолда филиал терма жамоасини тузиб, уларнинг катта саҳналарда зафар қозонишига умид қиламиз.