Kompleks davlat akkreditatsiyasi doirasida filial faoliyati yuzasidan taqdimot o‘tkazildi
14 сен 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Pitkeriwshilerge kredit imkaniyatları haqqında maǵlıwmat berildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında pitkeriwshilerdiń bántligin támiyinlew, olardıń isbilermenlik baslamaların qollap-quwatlaw hám erkin jumıs baslawı ushın jaratılǵan kredit imkaniyatları haqqında maǵlıwmat berildi. Bul ushırasıw joqarı bilimlendiriw shólkemleri pitkeriwshileriniń jumısqa jaylasıwına járdemlesiw boyınsha qosımsha ilajlar sheńberinde shólkemlestirildi. Onda pitkeriwshilerge óz biznesin jolǵa qoyıw, baslamaların ámeliy joybarǵa aylandırıw hám bunıń ushın finanslıq járdemnen paydalanıw imkaniyatları túsindirildi. Sóylesiwde "Ózmilliybank" AJ Qaraqalpaqstan Respublikası Bas basqarması "Keleshekke qádem" sektorı menedjerleri K.Sharipova hám A.Eshmuratova, jeke tártiptegi isbilermen N.Joldıbaeva, Registrator ofisi Xızmet kórsetiw (Front Office) bólimi baslıǵı N.Turganbaev qatnasıp, pitkeriwshilerge bar kredit imkaniyatları hám olardan paydalanıw tártibi haqqında maǵlıwmat berdi.
Sáwbetlesiw dawamında kredit alıw ushın múrájat etiw tártibi, zárúr shártler, isbilermenlik jumısın baslaw ushın finanslıq qarjılardan paydalanıw imkaniyatları boyınsha tolıq túsinikler berildi. Sonday-aq, pitkeriwshilerdiń óz qánigeligi tiykarında jumıs alıp barıwı, jańa baslamalardı alǵa qoyıwı hám dáramat dáregin qáliplestiriwi ushın bar imkaniyatlar haqqında pikir alısıldı. Ushırasıw dawamında berilgen maǵlıwmatlar pitkeriwshilerge jumısqa ornalasıw menen bir qatarda, óz baslamaların ámelge asırıw ushın bar finanslıq imkaniyatlardan paydalanıw boyınsha anıq túsinik berdi.
Sáwbetlesiw dawamında kredit alıw ushın múrájat etiw tártibi, zárúr shártler, isbilermenlik jumısın baslaw ushın finanslıq qarjılardan paydalanıw imkaniyatları boyınsha tolıq túsinikler berildi. Sonday-aq, pitkeriwshilerdiń óz qánigeligi tiykarında jumıs alıp barıwı, jańa baslamalardı alǵa qoyıwı hám dáramat dáregin qáliplestiriwi ushın bar imkaniyatlar haqqında pikir alısıldı. Ushırasıw dawamında berilgen maǵlıwmatlar pitkeriwshilerge jumısqa ornalasıw menen bir qatarda, óz baslamaların ámelge asırıw ushın bar finanslıq imkaniyatlardan paydalanıw boyınsha anıq túsinik berdi.
