Kompleks davlat akkreditatsiyasi doirasida filial faoliyati yuzasidan taqdimot o‘tkazildi
14 сен 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentliktiń dáslepki kúnleri ashıq sáwbetlesiw menen baslandı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında jańa oqıw jılınıń dáslepki kúnleri studentlik turmısına endi qádem qoyǵan jaslar ushın jańa tásirler, tanısıwlar hám áhmiyetli sáwbetler menen dawam etpekte. Piyshembi — "Jaslar kúni" sheńberinde filial direktorı A.Esimbetovtıń birinshi kurs studentleri menen ushırasıwı da jaslar ushın mazmunlı sáwbetlerden birine aylandı."Birden-bir Watan, birden-bir xalıq bolıp, jańa turmıs hám keleshek jaratayıq!" súreni astında shólkemlestirilgen "Tanısıw hápteligi" sheńberinde ótkerilgen ushırasıwda jaslardıń joqarı bilimlendiriwdegi dáslepki qádemleri, olar ushın jaratılǵan imkaniyatlar hám studentlik dáwirinen únemli paydalanıw máseleleri hár tárepleme dodalandı. Keshe olar ushın mekteptegi sońǵı qońıraw, búgin bolsa joqarı oqıw ornınıń jańa ortalıǵı. Auditoriyalar, professor-oqıtıwshılar, jańa doslar, óz betinshe bilim alıw hám tańlaǵan kásip jolındaǵı dáslepki juwapkershilik - bulardıń barlıǵı birinshi kurs studenti ushın jańa tájiriybe.
Sonlıqtan jańa oqıw jılınıń dáslepki kúnlerinde berilgen durıs baǵdar hám ashıq sáwbet jaslardıń universitet turmısına beyimlesiwinde ayrıqsha orın iyeleydi.
Ushırasıwda studentler filialındaǵı oqıw procesi, sabaqtan tısqarı jumıs, ilimiy izleniwler, túrli tańlaw hám joybarlarda qatnasıw, jaslardıń baslamaların qollap-quwatlawǵa qaratılǵan imkaniyatlar haqqında sorawlar berdi. Hár bir soraw artında studentliktiń dáslepki kúnlerinen-aq óz jolın tabıwǵa umtılıp atırǵan jaslardıń qızıǵıwshılıǵı hám izleniwi sezilip turdı.Filial direktorı A.Esimbetov sáwbetlesiw dawamında studentlerge óz aldına anıq maqset qoyıw, waqıttı qádirlew, tańlaǵan qánigeligin tereń úyreniw hám universitette jaratılıp atırǵan imkaniyatlardan belsene paydalanıw boyınsha usınıslar berdi. Ásirese, veterinariya medicinası, sharwashılıq hám biotexnologiya sıyaqlı ámeliy bilim hám turaqlı izleniwdi talap etetuǵın baǵdarlarda bilim alıp atırǵan jaslardıń óz kásibine juwapkershilik penen qatnas jasawı zárúrligine itibar qaratıldı. Sebebi búgingi student erteńgi kúnniń qánigesi. Onıń auditoriyada alǵan bilimi, laboratoriyada arttırǵan kónlikpesi hám óz betinshe izleniwi keleshektegi kásiplik jumısınıń tiykarın belgileydi.
Sonlıqtan jańa oqıw jılınıń dáslepki kúnlerinde berilgen durıs baǵdar hám ashıq sáwbet jaslardıń universitet turmısına beyimlesiwinde ayrıqsha orın iyeleydi.
Ushırasıwda studentler filialındaǵı oqıw procesi, sabaqtan tısqarı jumıs, ilimiy izleniwler, túrli tańlaw hám joybarlarda qatnasıw, jaslardıń baslamaların qollap-quwatlawǵa qaratılǵan imkaniyatlar haqqında sorawlar berdi. Hár bir soraw artında studentliktiń dáslepki kúnlerinen-aq óz jolın tabıwǵa umtılıp atırǵan jaslardıń qızıǵıwshılıǵı hám izleniwi sezilip turdı.Filial direktorı A.Esimbetov sáwbetlesiw dawamında studentlerge óz aldına anıq maqset qoyıw, waqıttı qádirlew, tańlaǵan qánigeligin tereń úyreniw hám universitette jaratılıp atırǵan imkaniyatlardan belsene paydalanıw boyınsha usınıslar berdi. Ásirese, veterinariya medicinası, sharwashılıq hám biotexnologiya sıyaqlı ámeliy bilim hám turaqlı izleniwdi talap etetuǵın baǵdarlarda bilim alıp atırǵan jaslardıń óz kásibine juwapkershilik penen qatnas jasawı zárúrligine itibar qaratıldı. Sebebi búgingi student erteńgi kúnniń qánigesi. Onıń auditoriyada alǵan bilimi, laboratoriyada arttırǵan kónlikpesi hám óz betinshe izleniwi keleshektegi kásiplik jumısınıń tiykarın belgileydi.
Ashıqtan-ashıq sóylesiw dawamında studentler ózlerin qızıqtırǵan máseleler boyınsha tikkeley filial basshılarına múrájat etiw imkaniyatına iye boldı. Jaslardıń pikir-usınısları tıńlanıp, bildirilgen sorawlarǵa tolıq juwaplar berildi. Búgin studentliktiń dáslepki betleri ashılmaqta. Bul betlerde bolsa hár bir jastıń óz izleniwi, óz miyneti hám óz maqseti menen jazılatuǵın úlken jol bar.
