Xitoyda erishilgan kelishuvlar ta’lim sohasidagi aloqalarni kengaytirmoqda
04 авг 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Qıtay delegaciyasınıń saparı: eki universitetti baylanıstırǵan jańa perspektivalar
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Qıtay Xalıq Respublikasınıń Sinczyan Kásip-óner texnologiya universiteti delegaciyasınıń saparı sheńberinde eki joqarı bilimlendiriw mákemesi arasındaǵı birge islesiwdi jáne de tereńlestiriwge qaratılǵan áhmiyetli sóylesiwler bolıp ótti. Delegaciya milliy qádiriyatlarımızǵa tán miymandoslıq dástúrleri tiykarında nan hám duz benen kútip alındı. Bunnan soń filial basshıları hám Qıtay delegaciyası aǵzalarınıń qatnasıwında rásmiy ushırasıw shólkemlestirildi.
Sóylesiwlerde eki universitet arasında jolǵa qoyılǵan birge islesiw nátiyjeleri tallanıp, onıń keleshektegi tiykarǵı baǵdarları hár tárepleme dodalandı. Bilimlendiriwdiń sapası, akademiyalıq mobillik, ilimiy izertlewlerdiń kólemin keńeytiw, innovaciyalıq qollanbalardı qollap-quwatlaw hám xalıqaralıq joybarlarda óz-ara qatnasıw máseleleri sóylesiwdiń tiykarǵı temalarınan biri boldı.
Ushırasıw juwmaǵında filial hám Sinczyan Kásip-óner texnologiya universiteti arasında birge islesiw sheńberlik shártnamasına qol qoyıldı. Bul hújjet eki joqarı bilimlendiriw mákemesi arasındaǵı qatnasıqlardı sapa jaǵınan jańa basqıshqa alıp shıǵıwǵa xızmet etetuǵın áhmiyetli huqıqıy tiykar boldı. Shártnamaǵa muwapıq, studentlerdiń qısqa hám uzaq múddetli akademiyalıq almasıw baǵdarlamaların shólkemlestiriw, awıl xojalıǵı, veterinariya medicinası hám túrles baǵdarlarda birgeliktegi ilimiy izertlewlerdi ámelge asırıw, professor-oqıtıwshılardıń mamanlıǵın arttırıw, xalıqaralıq ilimiy ánjumanlar ótkeriw, ilimpaz hám izertlewshiler arasında tájiriybe almasıw, zamanagóy bilimlendiriw resursların birgelikte jaratıw hám ilimiy qollanbalardı ámeliyatqa engiziw boyınsha birge islesiwdi keńeytiwge kelisip alındı. Bul kelisimler eki universitettiń ilimiy hám akademiyalıq potencialın birlestiriw, innovaciyalıq qatnaslardı bilimlendiriw processine keńnen engiziw, básekige shıdamlı qánigeler tayarlaw jáne awıl xojalıǵı hám veterinariya tarawları ushın joqarı mamanlıqtaǵı kadrlar rezervin qáliplestiriwde bekkem tiykar jaratadı.
Sóylesiwlerden soń delegaciya aǵzaları filial professor-oqıtıwshıları, doktorantlar, erkin izertlewshiler hám jas ilimpazlar menen ushırasıw ótkerdi. Ashıqtan-ashıq sáwbetlesiw dawamında zamanagóy bilimlendiriw sisteması, ilimiy izertlewlerdi shólkemlestiriw, innovaciyalıq kózqaraslar hám xalıqaralıq akademiyalıq birge islesiwdiń tiykarǵı baǵdarları boyınsha pikir alısıldı. Sonday-aq, Qıtay joqarı bilimlendiriw sistemasınıń tájiriybesine baǵıshlanǵan sheberlik sabaǵı shólkemlestirilip, qatnasıwshılardı qızıqtırǵan bir qatar sorawlarǵa hár tárepleme juwap berildi. Sapar etiw baǵdarlamasınıń gezektegi bóliminde delegaciya wákilleri filialda jaratılǵan bilimlendiriw hám ilimiy infrastruktura menen tanıstı.
Sóylesiwlerde eki universitet arasında jolǵa qoyılǵan birge islesiw nátiyjeleri tallanıp, onıń keleshektegi tiykarǵı baǵdarları hár tárepleme dodalandı. Bilimlendiriwdiń sapası, akademiyalıq mobillik, ilimiy izertlewlerdiń kólemin keńeytiw, innovaciyalıq qollanbalardı qollap-quwatlaw hám xalıqaralıq joybarlarda óz-ara qatnasıw máseleleri sóylesiwdiń tiykarǵı temalarınan biri boldı.
Ushırasıw juwmaǵında filial hám Sinczyan Kásip-óner texnologiya universiteti arasında birge islesiw sheńberlik shártnamasına qol qoyıldı. Bul hújjet eki joqarı bilimlendiriw mákemesi arasındaǵı qatnasıqlardı sapa jaǵınan jańa basqıshqa alıp shıǵıwǵa xızmet etetuǵın áhmiyetli huqıqıy tiykar boldı. Shártnamaǵa muwapıq, studentlerdiń qısqa hám uzaq múddetli akademiyalıq almasıw baǵdarlamaların shólkemlestiriw, awıl xojalıǵı, veterinariya medicinası hám túrles baǵdarlarda birgeliktegi ilimiy izertlewlerdi ámelge asırıw, professor-oqıtıwshılardıń mamanlıǵın arttırıw, xalıqaralıq ilimiy ánjumanlar ótkeriw, ilimpaz hám izertlewshiler arasında tájiriybe almasıw, zamanagóy bilimlendiriw resursların birgelikte jaratıw hám ilimiy qollanbalardı ámeliyatqa engiziw boyınsha birge islesiwdi keńeytiwge kelisip alındı. Bul kelisimler eki universitettiń ilimiy hám akademiyalıq potencialın birlestiriw, innovaciyalıq qatnaslardı bilimlendiriw processine keńnen engiziw, básekige shıdamlı qánigeler tayarlaw jáne awıl xojalıǵı hám veterinariya tarawları ushın joqarı mamanlıqtaǵı kadrlar rezervin qáliplestiriwde bekkem tiykar jaratadı.
Sóylesiwlerden soń delegaciya aǵzaları filial professor-oqıtıwshıları, doktorantlar, erkin izertlewshiler hám jas ilimpazlar menen ushırasıw ótkerdi. Ashıqtan-ashıq sáwbetlesiw dawamında zamanagóy bilimlendiriw sisteması, ilimiy izertlewlerdi shólkemlestiriw, innovaciyalıq kózqaraslar hám xalıqaralıq akademiyalıq birge islesiwdiń tiykarǵı baǵdarları boyınsha pikir alısıldı. Sonday-aq, Qıtay joqarı bilimlendiriw sistemasınıń tájiriybesine baǵıshlanǵan sheberlik sabaǵı shólkemlestirilip, qatnasıwshılardı qızıqtırǵan bir qatar sorawlarǵa hár tárepleme juwap berildi. Sapar etiw baǵdarlamasınıń gezektegi bóliminde delegaciya wákilleri filialda jaratılǵan bilimlendiriw hám ilimiy infrastruktura menen tanıstı.
Olar zamanagóy oqıw auditoriyaları, ilimiy hám oqıw laboratoriyaları, ámeliy sabaq xanaları hám studentler ushın jaratılǵan sharayatlardı kózden ótkerip, bilimlendiriw processin shólkemlestiriw boyınsha ámelge asırılıp atırǵan jumıslarǵa joqarı baha berdi. Jáhánde joqarı bilimlendiriwdiń rawajlanıw páti xalıqaralıq akademiyalıq birge islesiw kólemi menen de bahalanbaqta. Ilimiy potencialdı birlestiriw, innovaciyalıq ideyalar almasıwın keńeytiw hám básekige shıdamlı kadrlar tayarlaw búgingi kúnde universitetler aldında turǵan tiykarǵı wazıypalardan esaplanadı. Mine, usı tárepten, Sinczyan Kásip-óner texnologiya universiteti delegaciyasınıń bul saparı hám tárepler arasında qol qoyılǵan birge islesiw haqqındaǵı sheńber shártnama filialdıń xalıqaralıq akademiyalıq baylanısların keńeytiw, birgeliktegi bilimlendiriw hám ilimiy joybarlardı izbe-iz rawajlandırıw, aldıńǵı tájiriybeler almasıwın jedellestiriw hám Ózbekstan hám Qıtay arasında joqarı bilimlendiriw tarawında qáliplesken strategiyalıq sheriklikti anıq ámeliy baslamalar menen tolıqtırıw imkaniyatların jáne de keńeytti.
