Xitoyda erishilgan kelishuvlar ta’lim sohasidagi aloqalarni kengaytirmoqda
04 авг 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Abiturientler ushın qolaylı sharayatlar jaratıldı
Xabarıńız bar, Qaraqalpaqstan Respublikasında 2026-2027-oqıw jılı ushın mámleketlik joqarı bilimlendiriw mákemeleriniń bakalavriat tálim baǵdarlarına kiriw test sınaqları qızǵın dawam etpekte. Usı jıldıń 14-iyul kúni baslanǵan test sınaqları 23-iyulǵa shekem ótkeriliwi belgilengen bolıp, olar hár kúni eki smenada — birinshi smenada saat 08:00 den 11:00 ge shekem, ekinshi smenada bolsa 15:00 den 18:00 ge shekem shólkemlestirilmekte. 2026-jıl 20-iyul kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı jámááti Bilim hám mamanlıqlardı bahalaw agentligi Qaraqalpaqstan Respublikası bóliminde ótkerilip atırǵan test sınaqları processinde abiturientler hám olardıń ata-anaları ushın qolaylı sharayatlar jaratıw maqsetinde járdem hám úgit-násiyat ilajların ámelge asırdı. Ilaj dawamında test sınaqlarına kirip atırǵan abiturientlerdiń jeke buyımların isenimli saqlaw ushın arnawlı saqlaw ornı shólkemlestirildi. Bul jerde olardıń buyımları tártipli hám qáwipsiz túrde qabıl etilip, test juwmaǵına shekem isenimli saqlandı.
Sonday-aq, filialdıń juwapker xızmetkerleri hám volontyor studentler tárepinen abiturientlerge ruxsatnamaların anıqlaw hám shıǵarıp beriwde ámeliy járdem kórsetildi, test sınaqları tártibi boyınsha zárúr usınıslar berildi.
Ata-analar menen ashıqtan-ashıq sóylesiwler shólkemlestirilip, kútiw aymaqlarında ornatılǵan onlayn baqlaw kameraları arqalı perzentleriniń test tapsırıw processin real waqıt rejiminde baqlaw imkaniyatınıń bar ekenligi haqqında tolıq túsinik jumısları alıp barıldı. Nátiyjede ata-analar perzentleriniń test processin tikkeley baqlaw imkaniyatına iye boldı. Sonıń menen birge, filialdıń oqıtıwshıları hám juwapker xızmetkerleri tárepinen abiturientler hám olardıń ata-analarına filialda jaratılǵan zamanagóy bilimlendiriw ortalıǵı, oqıw laboratoriyaları, ámeliy sabaqlar bazası, studentler turaq jayı, málimleme-resurs orayı, bar bilimlendiriw baǵdarları hám studentlerge jaratılǵan imkaniyatlar haqqında tolıq maǵlıwmatlar berildi.
Sonday-aq, filialdıń juwapker xızmetkerleri hám volontyor studentler tárepinen abiturientlerge ruxsatnamaların anıqlaw hám shıǵarıp beriwde ámeliy járdem kórsetildi, test sınaqları tártibi boyınsha zárúr usınıslar berildi.
Ata-analar menen ashıqtan-ashıq sóylesiwler shólkemlestirilip, kútiw aymaqlarında ornatılǵan onlayn baqlaw kameraları arqalı perzentleriniń test tapsırıw processin real waqıt rejiminde baqlaw imkaniyatınıń bar ekenligi haqqında tolıq túsinik jumısları alıp barıldı. Nátiyjede ata-analar perzentleriniń test processin tikkeley baqlaw imkaniyatına iye boldı. Sonıń menen birge, filialdıń oqıtıwshıları hám juwapker xızmetkerleri tárepinen abiturientler hám olardıń ata-analarına filialda jaratılǵan zamanagóy bilimlendiriw ortalıǵı, oqıw laboratoriyaları, ámeliy sabaqlar bazası, studentler turaq jayı, málimleme-resurs orayı, bar bilimlendiriw baǵdarları hám studentlerge jaratılǵan imkaniyatlar haqqında tolıq maǵlıwmatlar berildi.
Keleshek kásibin sanalı tańlaw boyınsha usınıslar berilip, filialdıń jumısın sáwlelendiretuǵın úgit-násiyatlaw materialları tarqatıldı. Filial jámááti kiriw test sınaqlarında qatnasıp atırǵan barlıq abiturientlerge test sınaqların tabıslı tapsırıwın, múnásip nátiyjelerge erisiwin hám ózleri arzıw etken joqarı oqıw ornınıń studenti bolıw baxtına miyasar bolıwın tileydi. Keleshekte Watan rawajlanıwı jolında óz kásibiniń jetik, bilimli hám pidayı qánigeleri bolıp kamalǵa keliwlerine jaqsı tilekler bildiredi.
