Xitoyda erishilgan kelishuvlar ta’lim sohasidagi aloqalarni kengaytirmoqda
04 авг 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Qıtayda erisilgen kelisimler bilimlendiriw tarawındaǵı baylanıslardı keńeytpekte
Ózbekstan hám Qıtay arasındaǵı strategiyalıq sheriklik qatnasıqları bilimlendiriw tarawında da izbe-iz rawajlanbaqta. Joqarı bilimlendiriw mákemeleri arasındaǵı birge islesiwdi keńeytiw, qospa bilimlendiriw baǵdarlamaların ámelge asırıw hám ilimiy birge islesiwdi rawajlandırıw eki mámleket qatnasıqlarınıń áhmiyetli baǵdarlarınan birine aylanbaqta. Qıtay Xalıq Respublikasınıń Guizhou wálayatı, Guyan hám Guyan qalalarında ótkerilgen "2026 China-ASEAN Education Cooperation Week" xalıqaralıq ilajı bul baǵdardaǵı abıraylı ánjumanlardan biri boldı. Onda Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı delegaciyası da qatnastı. Filial direktorı, professor A.Esimbetov basshılıǵındaǵı delegaciya xalıqaralıq forumlar hám tarawlıq ushırasıwlarda qatnasıp, veterinariya, sharwashılıq hám biotexnologiya tarawları ushın maman qánigeler tayarlaw, bilimlendiriw procesine zamanagóy kózqaraslardı engiziw hám ilimiy birge islesiwdi keńeytiw baǵdarında ámelge asırılıp atırǵan jumıslar boyınsha prezentaciya ótkerdi. Kásip-óner bilimlendiriwine baǵıshlanǵan forumda professor A.Esimbetov bayanat penen qatnasıp, bilimlendiriw hám óndiristiń integraciyası, ámeliy kónlikpelerdi bekkemlew, ilimiy izertlewlerdiń nátiyjeliligin arttırıw hám xalıqaralıq birge islesiwdiń perspektivalı baǵdarları haqqında pikir bildirdi.
Bayanat forum qatnasıwshıları tárepinen úlken qızıǵıwshılıq penen kútip alındı. Sapar etiwdiń eńáhmiyetli nátiyjelerinen biri Qıtaydıń Politexnika universiteti hám Ninsya Kásip-óner texnika universiteti menen "Tawıq jetistiriw hám satıw" baǵdarı boyınsha Shenchjen kelisimine tiykarlanıp úsh tárepleme birge islesiw memorandumına qol qoyılǵanı boldı.
Sonday-aq, Qıtay hám ASEAN mámleketleriniń bir qatar joqarı bilimlendiriw mákemeleri menen birge islesiwdi rawajlandırıw boyınsha kelisimlerge erisildi. Erisilgen kelisimler akademiyalıq almasıwdı keńeytiw, birgeliktegi ilimiy izertlewlerdi ámelge asırıw hám xalıqaralıq bilimlendiriw joybarların júzege shıǵarıw ushın jańa imkaniyatlar jaratadı.
Bul bolsa filialdıń xalıqaralıq birge islesiw sheńberin jáne de keńeytiw jolındaǵı gezektegi ámeliy nátiyje boldı.
Sonday-aq, Qıtay hám ASEAN mámleketleriniń bir qatar joqarı bilimlendiriw mákemeleri menen birge islesiwdi rawajlandırıw boyınsha kelisimlerge erisildi. Erisilgen kelisimler akademiyalıq almasıwdı keńeytiw, birgeliktegi ilimiy izertlewlerdi ámelge asırıw hám xalıqaralıq bilimlendiriw joybarların júzege shıǵarıw ushın jańa imkaniyatlar jaratadı.
Bul bolsa filialdıń xalıqaralıq birge islesiw sheńberin jáne de keńeytiw jolındaǵı gezektegi ámeliy nátiyje boldı.
Xalıqaralıq birge islesiwdi keńeytiw, aldınǵı tájiriybelerdi úyreniw hám universitetler arasındaǵı akademiyalıq baylanıslardı rawajlandırıw Jańa Ózbekstanda ámelge asırılıp atırǵan bilimlendiriw siyasatınıń tiykarǵı baǵdarlarınan biri bolıp esaplanadı. Qıtayda bolıp ótken bul xalıqaralıq ánjuman bilimlendiriw hám ilim tarawında óz-ara isenimge tiykarlanǵan birge islesiwdi jáne de bekkemlew, jańa baslamalar hám perspektivalı joybarlardı qáliplestiriw ushın áhmiyetli sóylesiw maydanına aylandı.
