Qurban hayıtı múnásibeti menen filial direktorı qutlıqlawı
Assalawma áleykum, húrmetli ustazlar, professor-oqıtıwshılar, pidayı jámáátimiz hám qálbi iygiliklerge bólengen áziz student-jaslar! Bársheńizdi insan qálbin páklikke, miyrim-shápáát hám saqawatqa shaqıratuǵın múbárek Qurban hayıtı menen qızǵın qutlıqlayman.Bul payızlı áyyam hár bir shańaraqqa qut-bereket, hár bir kewilge tınıshlıq hám shúkirshilik sezimin alıp kiredi.
Eń ullı jemis bolǵan tınıshlıq hám tatıwlıq húkim súrip atırǵan elimizde mine usınday muqaddes kúnlerdi jaqınlar dógereginde kútip alıp atırǵanımız bárshemiz ushın sheksiz baxıt bolıp esaplanadı. Qurban hayıtı — insannıń qálbine mehir oyatatuǵın, kewillerge nur baǵıshlaytuǵın, adamlardı bir-birine jáne de jaqınlastıratuǵın ullı áyyam.
Bul múbárek kúnlerde iygilikli tilekler aspanǵa kóterilip, jaqsı niyetler qálblerdi tazalaydı, adamgershilik, miyrim-shápáát sıyaqlı joqarı pazıyletler jáne de tereń máni-mazmunǵa iye boladı. Ásirese, ata-analardıń pátiyasın alıw, nuranıylardıń halınan xabar alıw, mútáj insanlarǵa mehir baǵıshlaw, kewillerge táselle beriw xalqımızǵa tán eń jaqsı qádiriyatlar sıpatında kewillerdi jáne de jaqınlastıradı.
Búgingi bereketli kúnlerde elimizde húkim súrip atırǵan tınıshlıq, awızbirshilik hám miyrim-shápáát ortalıǵı hár birimizdiń qálbimizde Watanǵa muhabbat, erteńgi kúnge isenim hám shúkirshilik sezimlerin jáne de bekkemlemekte. Ásirese, jas áwladtıń bilimli, mánawiy jetik hám Watanǵa sadıqlıq ruwxında kamalǵa kelip atırǵanı kewillerimizdi sheksiz maqtanısh hám quwanıshqa bóleydi.
Qádirli jámáátimiz! Usı múbárek áyamda hár bir shańaraqqa qut-bereket, payız, kewillerge qáterjamlıq, dasturxanlarǵa molshılıq tileymen. Miyrim-shápáát, jaqsılıq hám pátiyalar shańaraqlarińizdı hesh qashan tárk etpesin.
Qurban hayıtı bárshemizge múbárek bolsın!
Húrmet penen,
filial direktorı, professor Esimbetov Adilbay Tlepovich
скачать dle 12.1
Telefon
E-mail
