Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Veterinariya hám sharwashılıq tarawında kadrlar tayarlaw sapası dodalandı
Samarqand mámleketlik veterinariya medicinası, sharwashılıq hám biotexnologiyalar universitetinde "Veterinariya hám sharwashılıq tarawlarında kadrlar tayarlawdıń sapasın arttırıwdıń tiykarǵı wazıypaları" atamasında V Respublikalıq oqıw-metodikalıq seminarı bolıp ótti. Ilaj dawamında joqarı bilimlendiriw mákemeleri, ilimiy-izertlew orayları hám óndiris kárxanalarınıń wákilleri óz-ara tájiriybe almasıp, bilimlendiriw processin jáne de nátiyjeli shólkemlestiriw, oqıw baǵdarlamalarına zamanagóy innovaciyalıq qatnaslardı keńnen engiziw, sonday-aq, taraw aldında turǵan áhmiyetli mashqalalardı ilimiy-ámeliy jaqtan tallaw hám olardıń optimal sheshimlerin islep shıǵıw máseleleri boyınsha hár tárepleme pikirlesti.
Seminarǵa Nókis filialınıń wákilleri — oqıw isleri boyınsha direktor orınbasarı A.Kaniyazov, "Zooinjeneriya" kafedrasınıń baslıǵı X.Mamatov hám "Veterinariya medicinası hám farmakologiya" kafedrasınıń oqıtıwshısı D.Ernazarovlar da belsene qatnastı. —Bul seminar veterinariya hám sharwashılıq tarawında kadrlar tayarlawdıń sapasın arttırıw, bilimlendiriw processin ámeliyat penen úylestiriw jáne zamanagóy talaplar tiykarında qánigeler tayarlawda úlken áhmiyetke iye— deydi A.Kaniyazov. Ilaj juwmaǵında belsene qatnasqan barlıq qatnasıwshılar, sonıń ishinde, filial wákilleri de sertifikatlar menen sıylıqlandı.
