Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Teoriya hám ámeliyat úylesimi bilimlendiriwdiń sapasın arttıradı
Búgingi kúnde sharwashılıq tarawında básekige shıdamlı qánigelerdi tayarlaw processinde teoriyalıq bilimlerdi ámeliy tájiriybe menen úylestiriw úlken áhmiyetke iye bolmaqta. Ásirese, bolajaq zooinjenerlerdiń óndiris processleri menen tikkeley tanısıwı, ámeliy kónlikpelerin real ortalıqta bekkemlewi bilimlendiriwdiń sapasın jańa basqıshqa alıp shıǵadı.
Usı tiykarda "Zooinjeneriya" tálim baǵdarı 4-kurs 407-topar studentleri ámeliy sabaqlardı Ózbekstan Respublikası Milliy Gvardiyası Qaraqalpaqstan Respublikası shabandozlar mektebinde alıp bardı. Ámeliy sabaqlar dawamında studentler atlardıń biologiyası hám selekciyası boyınsha teoriyalıq bilimlerin ámeliy processler menen úylestiriw imkaniyatına iye boldı.
Sonıń ishinde, olar sport hám xızmet baǵdarında baǵılıp atırǵan atlardıń dene proporciyası, bulshıq etlerdiń rawajlanıwı, skelet dúzilisi hám háreket apparatınıń ózgesheliklerin bahalaw usılların úyrendi.
Sonday-aq, studentler atlardıń konstituciyalıq tipleri, zatqa tán eksterer belgilerin anıqlaw, fizikalıq rawajlanıw dárejesin analizlew hám násilshilikte áhmiyetli esaplanǵan selekciyalıq kórsetkishlerdi bahalaw boyınsha ámeliy tájiriybe arttırdı.
Shınıǵıw processinde bas bólimi, moyın, kókirek quwıslıǵı, bel, ayaq dúzilisi hám háreket koordinaciyası sıyaqlı anatomiyalıq belgilerdi tallaw usılları da hár tárepleme kórip shıǵıldı. Bunnan tısqarı, jas qánigeler atlardı saqlaw hám tárbiyalaw texnologiyası, azıqlandırıw normaları, zoogigiyenalıq talaplar hám xızmet atların tayarlaw processleri menen jaqınnan tanıstı.
— Bul ámeliy sabaqlardıń tiykarǵı maqseti studentlerdi óndiris processleri menen jaqınnan tanıstırıw, olarda erkin pikirlew hám kásiplik kónlikpelerdi qáliplestiriwden ibarat — deydi pán oqıtıwshısı A.Urımbetov.
Ámeliy sabaqlar studentlerdiń bilim hám tájiriybesin bayıtıp, olardıń tarawǵa bolǵan qızıǵıwshılıǵı jáne kásiplik tayarlıǵın jáne de arttırmaqta.
Usı tiykarda "Zooinjeneriya" tálim baǵdarı 4-kurs 407-topar studentleri ámeliy sabaqlardı Ózbekstan Respublikası Milliy Gvardiyası Qaraqalpaqstan Respublikası shabandozlar mektebinde alıp bardı. Ámeliy sabaqlar dawamında studentler atlardıń biologiyası hám selekciyası boyınsha teoriyalıq bilimlerin ámeliy processler menen úylestiriw imkaniyatına iye boldı.
Sonıń ishinde, olar sport hám xızmet baǵdarında baǵılıp atırǵan atlardıń dene proporciyası, bulshıq etlerdiń rawajlanıwı, skelet dúzilisi hám háreket apparatınıń ózgesheliklerin bahalaw usılların úyrendi.
Sonday-aq, studentler atlardıń konstituciyalıq tipleri, zatqa tán eksterer belgilerin anıqlaw, fizikalıq rawajlanıw dárejesin analizlew hám násilshilikte áhmiyetli esaplanǵan selekciyalıq kórsetkishlerdi bahalaw boyınsha ámeliy tájiriybe arttırdı.
Shınıǵıw processinde bas bólimi, moyın, kókirek quwıslıǵı, bel, ayaq dúzilisi hám háreket koordinaciyası sıyaqlı anatomiyalıq belgilerdi tallaw usılları da hár tárepleme kórip shıǵıldı. Bunnan tısqarı, jas qánigeler atlardı saqlaw hám tárbiyalaw texnologiyası, azıqlandırıw normaları, zoogigiyenalıq talaplar hám xızmet atların tayarlaw processleri menen jaqınnan tanıstı.
— Bul ámeliy sabaqlardıń tiykarǵı maqseti studentlerdi óndiris processleri menen jaqınnan tanıstırıw, olarda erkin pikirlew hám kásiplik kónlikpelerdi qáliplestiriwden ibarat — deydi pán oqıtıwshısı A.Urımbetov.
Ámeliy sabaqlar studentlerdiń bilim hám tájiriybesin bayıtıp, olardıń tarawǵa bolǵan qızıǵıwshılıǵı jáne kásiplik tayarlıǵın jáne de arttırmaqta.
