Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Watandı súyiwshilik ruwxın bekkemlegen sayaxat
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı student jasları ushın Nókis qalasında jaylasqan Arqa-batıs áskeriy okrugine shólkemlestirilgen sayaxat jaslardıń watansúyiwshilik ruwxın bekkemlew, olardı áskeriy turmıs penen jaqınnan tanıstırıw hám milliy armiyamızǵa húrmet sezimin jáne de arttırıwǵa xızmet etti.
Bul ilaj profilaktika inspektorı, kapitan Q.Qayıpnazarovtıń baslaması menen shólkemlestirilip, onda studentler áskeriy bólimniń kúndelikli jumısı, ásker hám oficerlerdiń xızmet sharayatları menen tikkeley tanısıw imkaniyatına iye boldı. Sapar dawamında jaslarǵa áskeriy texnikalar, qural-jaraqlar hám olardı qollanıw tártibi haqqında tolıq maǵlıwmatlar berildi.
Ilajdıń tiykarǵı maqseti — jaslardı áskeriy-watansúyiwshilik ruwxında tárbiyalaw, olardıń qálbinde elimizdiń tınıshlıǵı hám qáwipsizligin támiyinlew jolında xızmet etip atırǵan áskerlerge húrmet hám maqtanısh sezimlerin qáliplestiriwden ibarat boldı. Studentler áskeriy xızmetkerler menen qızǵın sáwbetler ótkerip, ózlerin qızıqtırǵan sorawlarǵa juwap aldı.
Sonday-aq, áskeriy okrugte jaratılǵan sharayatlar, zamanagóy infrastruktura jáne áskerlerdiń fizikalıq hám ruwxıy tayarlıǵına qaratılǵan itibar jaslarda úlken tásir qaldırdı.
Bunday ushırasıwlar studentlerdiń keleshekte Watandı qorǵawǵa tayar, jetik qánige bolıp jetilisiwinde úlken áhmiyetke iye. Juwmaqlap aytqanda, bul sayaxat studentlerdiń bilim hám kózqarasın keńeytip, olardı Watanǵa sadıqlıq, juwapkershilik hám pidayılıq ruwxında tárbiyalawda áhmiyetli qádemlerden biri boldı.
Bul ilaj profilaktika inspektorı, kapitan Q.Qayıpnazarovtıń baslaması menen shólkemlestirilip, onda studentler áskeriy bólimniń kúndelikli jumısı, ásker hám oficerlerdiń xızmet sharayatları menen tikkeley tanısıw imkaniyatına iye boldı. Sapar dawamında jaslarǵa áskeriy texnikalar, qural-jaraqlar hám olardı qollanıw tártibi haqqında tolıq maǵlıwmatlar berildi.
Ilajdıń tiykarǵı maqseti — jaslardı áskeriy-watansúyiwshilik ruwxında tárbiyalaw, olardıń qálbinde elimizdiń tınıshlıǵı hám qáwipsizligin támiyinlew jolında xızmet etip atırǵan áskerlerge húrmet hám maqtanısh sezimlerin qáliplestiriwden ibarat boldı. Studentler áskeriy xızmetkerler menen qızǵın sáwbetler ótkerip, ózlerin qızıqtırǵan sorawlarǵa juwap aldı.
Sonday-aq, áskeriy okrugte jaratılǵan sharayatlar, zamanagóy infrastruktura jáne áskerlerdiń fizikalıq hám ruwxıy tayarlıǵına qaratılǵan itibar jaslarda úlken tásir qaldırdı.
Bunday ushırasıwlar studentlerdiń keleshekte Watandı qorǵawǵa tayar, jetik qánige bolıp jetilisiwinde úlken áhmiyetke iye. Juwmaqlap aytqanda, bul sayaxat studentlerdiń bilim hám kózqarasın keńeytip, olardı Watanǵa sadıqlıq, juwapkershilik hám pidayılıq ruwxında tárbiyalawda áhmiyetli qádemlerden biri boldı.
