Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Jasalma intellekttiń "kórinbes qáwipleri": jaslar sergeklikke shaqırıldı
Sanlı texnologiyalar turmısımızǵa barǵan sayın tereń kirip atırǵan búgingi dáwirde olardıń imkaniyatları menen bir qatarda jasırın qáwip-qáterleri haqqında da ashıq aytıw zárúr. Ásirese, jasalma intellekt tiykarında júzege kelip atırǵan jańa túrdegi finanslıq aldawshılıqlar jámiyet ushın úlken qáwipke aylanbaqta. Usı maqsette Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında gezektegi úgit-násiyat ilajı shólkemlestirildi.
"Ekonomika hám gumanitarlıq pánler" kafedrasında ótkerilgen "Jasalma intellekttiń qarańǵı tárepi" atamasındaǵı ushırasıw student-jaslar ushın áhmiyetli máselelerge baǵıshlandı. Ilajda profilaktika inspektorı, kapitan Q.Qayıpnazarov hám kafedra oqıtıwshısı P.Allaniyazov qatnasıp, zamanagóy málimleme texnologiyaları arqalı ámelge asırılıp atırǵan finanslıq jınayatlardıń jańa kórinisleri haqqında hár tárepleme aytıp ótti.
Atap ótilgenindey, búgin aldawshılıq usılları ápiwayı sxemalardan shıǵıp, jasalma intellekt quralları járdeminde jáne de qıyınlasıp barmaqta. Jalǵan dawıslar, jalǵan xabarlar, isenim oyatıwshı sanlı súwretler arqalı puqaralardı aldaw jaǵdayları kóbeymekte. Bunday sharayatta jaslardıń sergekligi, málimleme sawatlılıǵı hám finanslıq mádeniyatı sheshiwshi áhmiyetke iye.
Ushırasıw dawamında studentlerge turmıslıq mısallar tiykarında túsindiriwler berildi, qáwipsizlik ilajlarına ayrıqsha itibar qaratıldı. Eń áhmiyetlisi, jaslardı hár qanday gúmanlı málimlemege sın kózqarastan qatnas jasaw, jeke maǵlıwmatlardı qorǵaw hám finanslıq qararlar qabıl etiwde juwapkershilikli bolıwǵa shaqırıldı. Qánigelerdiń pikirinshe, búgingi kúnde finanslıq qáwipsizlik máselesi ekonomikalıq bilimnen tısqarı hadallıq, sanalı kózqaras hám bekkem puqaralıq poziciyanı talap etetuǵın kompleksli process bolıp esaplanadı. Jas áwladtı áne usı ruwxta tárbiyalaw bunday úgit-násiyat ilajlarınıń baslı maqseti esaplanadı. Bul ushırasıw studentlerde jańa bilim, real turmısta zárúr bolatuǵın sergeklik kónlikpelerin de qáliplestirdi. Sebebi sanlı dúnyada qáwipsiz háreket etiw - búgingi jaslar ushın eń áhmiyetli turmıslıq kónlikpelerden birine aylanıp barmaqta.
"Ekonomika hám gumanitarlıq pánler" kafedrasında ótkerilgen "Jasalma intellekttiń qarańǵı tárepi" atamasındaǵı ushırasıw student-jaslar ushın áhmiyetli máselelerge baǵıshlandı. Ilajda profilaktika inspektorı, kapitan Q.Qayıpnazarov hám kafedra oqıtıwshısı P.Allaniyazov qatnasıp, zamanagóy málimleme texnologiyaları arqalı ámelge asırılıp atırǵan finanslıq jınayatlardıń jańa kórinisleri haqqında hár tárepleme aytıp ótti.
Atap ótilgenindey, búgin aldawshılıq usılları ápiwayı sxemalardan shıǵıp, jasalma intellekt quralları járdeminde jáne de qıyınlasıp barmaqta. Jalǵan dawıslar, jalǵan xabarlar, isenim oyatıwshı sanlı súwretler arqalı puqaralardı aldaw jaǵdayları kóbeymekte. Bunday sharayatta jaslardıń sergekligi, málimleme sawatlılıǵı hám finanslıq mádeniyatı sheshiwshi áhmiyetke iye.
Ushırasıw dawamında studentlerge turmıslıq mısallar tiykarında túsindiriwler berildi, qáwipsizlik ilajlarına ayrıqsha itibar qaratıldı. Eń áhmiyetlisi, jaslardı hár qanday gúmanlı málimlemege sın kózqarastan qatnas jasaw, jeke maǵlıwmatlardı qorǵaw hám finanslıq qararlar qabıl etiwde juwapkershilikli bolıwǵa shaqırıldı. Qánigelerdiń pikirinshe, búgingi kúnde finanslıq qáwipsizlik máselesi ekonomikalıq bilimnen tısqarı hadallıq, sanalı kózqaras hám bekkem puqaralıq poziciyanı talap etetuǵın kompleksli process bolıp esaplanadı. Jas áwladtı áne usı ruwxta tárbiyalaw bunday úgit-násiyat ilajlarınıń baslı maqseti esaplanadı. Bul ushırasıw studentlerde jańa bilim, real turmısta zárúr bolatuǵın sergeklik kónlikpelerin de qáliplestirdi. Sebebi sanlı dúnyada qáwipsiz háreket etiw - búgingi jaslar ushın eń áhmiyetli turmıslıq kónlikpelerden birine aylanıp barmaqta.
