Ishki turizm: jaslar dúnyaqarasın keńeytetuǵın mektep
Búgin bilimlendiriw processinde eń áhmiyetli máselelerden biri — student-jaslardıń tek teoriyalıq bilim menen sheklenip qalmastan, turmıstı keńirek ańlay alatuǵın, erkin pikirleytuǵın shaxs sıpatında qáliplesiwi bolıp tabıladı. Usı kózqarastan Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ishki hám zıyarat turizmin rawajlandırıwǵa qaratılǵan baslamalar ayrıqsha itibar orayında tur.
Mine usınday baslamalardan biri sıpatında shólkemlestirilgen gezektegi aǵartıwshılıq sapar student-jaslar ushın umıtılmas tásirler bólisti. Sapar dawamında olar Qaraqalpaqstan aymaǵındaǵı áyyemgi miyras úlgilerinen biri — Shılpıq qorǵanı hám Beruniy rayonında jaylasqan Sultan Uays zıyarat etiw ornı hám Shayx Jalil baba zıyarat etiw ornı sıyaqlı orınlarǵa bardı.
Bul mánziller jaslar ushın tariyxıy estelik hám ruwxıy qádiriyatlardıń únlesligin seziw imkaniyatın berdi. Biraq bul sapardıń tiykarǵı mazmunı mánzillerdiń ózi menen sheklenip qalmadı. Áhmiyetlisi - bul process arqalı studentlerde óz jurtına bolǵan qızıǵıwshılıq, húrmet hám tiyislilik sezimin kúsheytiw, olardı janlı ortalıqta pikirlewge iytermelew maqset etilgen.
Sapar dawamında jaslar óz-ara pikirlesti, baqladı, juwmaq shıǵardı — bul bolsa olardıń dúnyaqarasın bayıtıwda áhmiyetli faktor boldı.
—Búgingi student tek auditoriya menen sheklenip qalmawı kerek. Ol kóriwi, seziwi, analizlewi zárúr. Ishki turizm mine usı talaptı qanaatlandıratuǵın eń nátiyjeli qurallardan biri bolıp esaplanadı. Bunday saparlar arqalı jaslar óz jurtınıń tariyxıy hám ruwxıy baylıǵın tereńirek ańlaydı. Bul bolsa keleshekte belsendi, intalı hám juwapkershilikli qánige bolıp jetilisiwinde áhmiyetli tiykar jaratadı — deydi tyutor J.Mambetniyazov.
Usı kózqarastan qaraǵanda, filialda ámelge asırılıp atırǵan bunday baslamalar ápiwayı ilaj emes, jaslar tárbiyasına qaratılǵan puqta oylanǵan sistemalı qatnas bolıp esaplanadı
скачать dle 12.1
Telefon
E-mail
