Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Sharwashılıq tarawında zamanagóy bilim hám bántlikti támiyinlewge qaratılǵan áhmiyetli baslama
Aldın xabar etilgenindey, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Qaraqalpaqstan Respublikası Kámbaǵallıqtı qısqartıw hám bántlik ministrligi menen birgelikte "Haywanlardı azıqlandırıw hám jasalma tuqımlandırıw" temasında shólkemlestirilgen oqıw kursı óz juwmaǵına jetti.
Bir háptelik mazmunǵa bay hám ámeliyatqa baǵdarlanǵan bul kurs bilim beriw menen birge real bántlikti támiyinlewge xızmet etetuǵın áhmiyetli sociallıq baslama sıpatında itibarǵa iye boldı.
Juwmaqlawshı ilajda kurstı tabıslı tamamlaǵan qatnasıwshılarǵa gúwalıqlar tapsırılıp, olardıń keleshektegi jumısın baslawı ushın zárúr bolǵan jasalma tuqımlandırıwǵa mólsherlengen arnawlı jasalma tuqımlandırıw ushın mólsherlengen kóshpeli ásbap-úskeneler toplamı usınıldı. Bul bolsa tıńlawshılarǵa óz aymaqlarında dárhal ámeliy jumıs baslaw imkaniyatın jaratadı.
Ilajdı filial direktorı A.Esimbetov ashıp, bul oqıw kursı sharwashılıqtı ilimiy tiykarda rawajlandırıw hám zamanagóy texnologiyalardı ámeliyatqa engiziwde úlken áhmiyetke iye ekenin atap ótti. A.Qayratdinov bolsa kurs xalıqtıń dáramatların arttırıw,jaslardıń bántligin támiyinlew hám xızmetlerdiń sapasın jaqsılawǵa xızmet etetuǵının atap ótti.
Kursqa qala hám rayonlıq veterinariya bólimleriniń xızmetkerleri, násilshilik qánigeleri hám sharwashılıqqa qızıǵıwshılıq bildirgen jumıssız jaslardıń qatnasqanı onıń sociallıq qamtıp alınıwın jáne de keńeytti. Sabaq shınıǵıwları dawamında filialdıń tájiriybeli professor-oqıtıwshıları tárepinen teoriyalıq bilimler ámeliy sabaqlar menen únles halda alıp barıldı.
Bul qatnas tıńlawshılardıń bilim hám tikkeley jumıs iskerliginde zárúr bolatuǵın kónlikpelerdi iyelewine tiykar jarattı. Ayrıqsha atap ótilgenindey, kurs pitkeriwshilerine óz jumısın baslawı ushın subsidiya hám jeńilletilgen kreditler ajıratılıwı belgilengen.
Eń áhmiyetlisi, olar iyelegen bilim hám tájiriybelerin orınlarda keńnen úgit-násiyatlap, basqa da qánigeler hám qızıǵıwshı jaslar menen bólisiwi zárúr ekenligi atap ótildi. Bul bolsa bilimniń shınjır tárizli tarqalıwın támiyinlep, kóbirek xalıqtıń zamanagóy sharwashılıq sırların iyelewine xızmet etedi.
Bul baslama — bilimlendiriw, ámeliyat hám bántlikti birlestirgen nátiyjeli zamanagóy ámeliy mexanizm sıpatında ayrıqsha áhmiyetke iye. Sebebi, bunday oqıw kursları arqalı qısqa múddette talap joqarı bolǵan kásiplik kónlikpelerdi iyelegen jaslar óz isbilermenlik jumısın baslawı, jańa jumıs orınların jaratıwı hám aymaqlardıń ekonomikalıq turaqlılıǵına múnásip úles qosıwı múmkin.
Bir háptelik mazmunǵa bay hám ámeliyatqa baǵdarlanǵan bul kurs bilim beriw menen birge real bántlikti támiyinlewge xızmet etetuǵın áhmiyetli sociallıq baslama sıpatında itibarǵa iye boldı.
Juwmaqlawshı ilajda kurstı tabıslı tamamlaǵan qatnasıwshılarǵa gúwalıqlar tapsırılıp, olardıń keleshektegi jumısın baslawı ushın zárúr bolǵan jasalma tuqımlandırıwǵa mólsherlengen arnawlı jasalma tuqımlandırıw ushın mólsherlengen kóshpeli ásbap-úskeneler toplamı usınıldı. Bul bolsa tıńlawshılarǵa óz aymaqlarında dárhal ámeliy jumıs baslaw imkaniyatın jaratadı.
Ilajdı filial direktorı A.Esimbetov ashıp, bul oqıw kursı sharwashılıqtı ilimiy tiykarda rawajlandırıw hám zamanagóy texnologiyalardı ámeliyatqa engiziwde úlken áhmiyetke iye ekenin atap ótti. A.Qayratdinov bolsa kurs xalıqtıń dáramatların arttırıw,jaslardıń bántligin támiyinlew hám xızmetlerdiń sapasın jaqsılawǵa xızmet etetuǵının atap ótti.
Kursqa qala hám rayonlıq veterinariya bólimleriniń xızmetkerleri, násilshilik qánigeleri hám sharwashılıqqa qızıǵıwshılıq bildirgen jumıssız jaslardıń qatnasqanı onıń sociallıq qamtıp alınıwın jáne de keńeytti. Sabaq shınıǵıwları dawamında filialdıń tájiriybeli professor-oqıtıwshıları tárepinen teoriyalıq bilimler ámeliy sabaqlar menen únles halda alıp barıldı.
Bul qatnas tıńlawshılardıń bilim hám tikkeley jumıs iskerliginde zárúr bolatuǵın kónlikpelerdi iyelewine tiykar jarattı. Ayrıqsha atap ótilgenindey, kurs pitkeriwshilerine óz jumısın baslawı ushın subsidiya hám jeńilletilgen kreditler ajıratılıwı belgilengen.
Eń áhmiyetlisi, olar iyelegen bilim hám tájiriybelerin orınlarda keńnen úgit-násiyatlap, basqa da qánigeler hám qızıǵıwshı jaslar menen bólisiwi zárúr ekenligi atap ótildi. Bul bolsa bilimniń shınjır tárizli tarqalıwın támiyinlep, kóbirek xalıqtıń zamanagóy sharwashılıq sırların iyelewine xızmet etedi.
Bul baslama — bilimlendiriw, ámeliyat hám bántlikti birlestirgen nátiyjeli zamanagóy ámeliy mexanizm sıpatında ayrıqsha áhmiyetke iye. Sebebi, bunday oqıw kursları arqalı qısqa múddette talap joqarı bolǵan kásiplik kónlikpelerdi iyelegen jaslar óz isbilermenlik jumısın baslawı, jańa jumıs orınların jaratıwı hám aymaqlardıń ekonomikalıq turaqlılıǵına múnásip úles qosıwı múmkin.
