Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Ilimiy kózqaraslar hám ámeliy tájiriybe almasıw: birinshi sekciya jumısı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında shólkemlestirilgen ilimiy-ámeliy konferenciya baǵdarlamasına muwapıq "Veterinariya medicinası hám farmakologiya" kafedrası tárepinen birinshi sekciya májilisi ótkerildi. Bul sekciyada kafedra professor-oqıtıwshıları, doktorantlar hám magistrantlar belsene qatnastı. Sektor sheńberinde veterinariya tarawındaǵı áhmiyetli ilimiy mashqalalar, keselliklerdiń aldın alıw hám emlewde zamanagóy qatnaslar jáne ámeliy tájiriybeler boyınsha ilimiy bayanatlar tıńlandı.
Dodalawlar ilimiy tiykarlanǵan pikir alısıw hám ámeliy sheshimlerdi qáliplestiriwge qaratıldı. Atap aytqanda, Veterinariya ilimiy-izertlew institutı Araxnoentomologiya hám akarologiya laboratoriyasınıń úlken ilimiy xızmetkeri, veterinariya ilimleri boyınsha filosofiya doktorı (PhD) A.Ismoilov "Qaramallarda sinboviller hám olarǵa qarsı gúresiw ilajları" atamasında bayanat jasadı. Onda parazitar keselliklerdiń kelip shıǵıw faktorları, tarqalıw mexanizmleri hám olarǵa qarsı nátiyjeli gúresiw usılları ilimiy tiykarda sáwlelendirilgen.
Sonday-aq, Veterinariya ilimleri boyınsha filosofiya doktorı (PhD) D.Ernazarov "Qaramallarda Mortellaro keselliginiń farmakoterapiyası" atamasında ilimiy bayanat jasadı. Bayanatta keselliktiń etiologiyası, klinikalıq ótiwi hám zamanagóy emlew hám profilaktika kózqarasları analizlendi. — Bunday konferenciyalar taraw qánigeleri arasında ilimiy pikirlerdi úylestiriw hám ámeliy tájiriybeni bayıtıwǵa xızmet etedi — deydi kafedra baslıǵı A.Kamalova. Sekciya juwmaǵında bildirilgen ilimiy pikir hám usınıslar veterinariya ámeliyatında zamanagóy qatnaslardı keńnen engiziw, keselliklerdiń aldın alıw nátiyjeliligin arttırıw jáne sharwashılıq tarawında ilimiy tiykarlanǵan sheshimlerdi kúsheytiwge xızmet etetuǵını atap ótildi.
