Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Aralboyı sharwashılıǵında zamanagóy jantasıwlar hám ilimiy tiykarlanǵan sheshimler
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Aralboyı regionında veterinariya hám sharwashılıqta zamanagóy innovaciyalıq sheshimler: imkaniyatlar, mashqalalar hám perspektivalar" atamasında respublikalıq ilimiy-ámeliy konferenciya bolıp ótti.
Bul ánjuman Aralboyı aymaǵınıń quramalı ekologiyalıq sharayatında sharwashılıq hám veterinariya tarawların ilimiy kózqaraslar tiykarında rawajlandırıw, innovaciyalıq qollanbalardı ámeliyatqa engiziw jáne bar sistemalı mashqalalardı tereń analizlewge xızmet etetuǵın áhmiyetli ilimiy pikirlesiw maydanına aylandı.
Konferenciyada Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, taraw ilimpazları, jas izertlewshiler hám doktorantlar tikkeley, yaǵnıy offline tárizde qatnastı. Ózbekstan Respublikası Veterinariya hám sharwashılıqtı rawajlandırıw mámleketlik komiteti hám Samarqand mámleketlik veterinariya medicinası, sharwashılıq hám biotexnologiyalar universiteti basshıları hám respublikamızdaǵı bir qatar jetekshi joqarı bilimlendiriw mákemeleriniń wákilleri bolsa online túrde baylanısıp, ilimiy dodalawlarda belsene qatnastı.
Konferenciyanı filial direktorı, professor A.Esimbetov ashıp berdi. Ol óziniń shıǵıp sóylegen sózinde konferenciyanıń Xalıqaralıq veterinariya kúni menen únles tárizde ótkerilip atırǵanın ayrıqsha atap ótip, bul baslama tarawdıń abırayın arttırıwǵa, veterinariya iliminiń jámiyetlik turmıstaǵı ornı hám tásirin jáne de ayqın kórsetiwge xızmet etetuǵının atap ótti.
Konferenciyanıń tiykarǵı maqseti veterinariya hám sharwashılıq tarawında zamanagóy innovaciyalıq kózqaraslardı ámeliyatqa nátiyjeli engiziw, ilimiy izertlew nátiyjeleri menen óndiris processleri arasındaǵı tıǵız baylanıstı kúsheytiw hám Aralboyı aymaǵına tán ekologiyalıq hám veterinariya mashqalaların ilimiy tiykarda tereń analizlewden ibarat boldı.
Sonıń menen birge, ánjuman tarawda toplanǵan ilimiy potencialdı ámeliy sheshimlerge baǵdarlaw, bar mashqalalarǵa baylanıslı jańa ilimiy kózqaras hám usınıslardı qáliplestiriw ushın áhmiyetli tiykar jarattı.
Konferenciya dawamında usınılǵan bayanatlar ilimiy mazmunı hám ámeliy áhmiyeti menen ajıralıp turdı. Atap aytqanda, veterinariya ilimleri boyınsha filosofiya doktorı (PhD) A.Seypullaevtıń "Aralboyı aymaǵı sharayatında qaramallarda vitamin hám mineral almasıwınıń buzılıw ózgeshelikleri" atamasındaǵı bayanatı ayrıqsha itibarǵa iye boldı.
Onda ekologiyalıq jaǵday, ot-jem quramı hám klimat ózgeriwleriniń haywanlar organizmi jáne ónimdarlıǵına tásiri ilimiy tiykarda sáwlelendirilgen. Izertlew nátiyjeleri vitamin-mineral jetispewshiligi immunitet tómenlewi, reproduktiv mashqalalar hám ónimdarlıqtıń azayıwına alıp keletuǵının kórsetedi.
Sonlıqtan ilimiy tiykarlanǵan azıqlandırıw, bioximiyalıq monitoring hám zamanagóy veterinariya texnologiyaların engiziw áhmiyetli bolıp esaplanadı. Qánigelerdiń pikirinshe, Aralboyı sharwashılıǵın rawajlandırıwda dástúriy qatnaslar jeterli emes, sanlı hám biotexnologiyalıq sheshimlerge tiykarlanǵan kompleksli qatnas zárúr.
Konferenciya dawamında alǵa qoyılǵan usınıslar Aralboyı regionında veterinariya hám sharwashılıqtı zamanagóy talaplar tiykarında rawajlandırıw, ilimiy potencialdı ámeliy nátiyjelerge jaqınlastırıw hám tarawdıń básekige shıdamlılıǵın arttırıw baǵdarında áhmiyetli tiykar bolıp xızmet etti.
Bul ilimiy-ámeliy konferenciya Aralboyı aymaǵında sharwashılıq hám veterinariya tarawların rawajlandırıwǵa qaratılǵan ilimiy pikirlesiw hám birge islesiw processlerin jáne de jedellestiretuǵın áhmiyetli waqıya sıpatında atap ótildi.
Bul ánjuman Aralboyı aymaǵınıń quramalı ekologiyalıq sharayatında sharwashılıq hám veterinariya tarawların ilimiy kózqaraslar tiykarında rawajlandırıw, innovaciyalıq qollanbalardı ámeliyatqa engiziw jáne bar sistemalı mashqalalardı tereń analizlewge xızmet etetuǵın áhmiyetli ilimiy pikirlesiw maydanına aylandı.
Konferenciyada Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, taraw ilimpazları, jas izertlewshiler hám doktorantlar tikkeley, yaǵnıy offline tárizde qatnastı. Ózbekstan Respublikası Veterinariya hám sharwashılıqtı rawajlandırıw mámleketlik komiteti hám Samarqand mámleketlik veterinariya medicinası, sharwashılıq hám biotexnologiyalar universiteti basshıları hám respublikamızdaǵı bir qatar jetekshi joqarı bilimlendiriw mákemeleriniń wákilleri bolsa online túrde baylanısıp, ilimiy dodalawlarda belsene qatnastı.
Konferenciyanı filial direktorı, professor A.Esimbetov ashıp berdi. Ol óziniń shıǵıp sóylegen sózinde konferenciyanıń Xalıqaralıq veterinariya kúni menen únles tárizde ótkerilip atırǵanın ayrıqsha atap ótip, bul baslama tarawdıń abırayın arttırıwǵa, veterinariya iliminiń jámiyetlik turmıstaǵı ornı hám tásirin jáne de ayqın kórsetiwge xızmet etetuǵının atap ótti.
Konferenciyanıń tiykarǵı maqseti veterinariya hám sharwashılıq tarawında zamanagóy innovaciyalıq kózqaraslardı ámeliyatqa nátiyjeli engiziw, ilimiy izertlew nátiyjeleri menen óndiris processleri arasındaǵı tıǵız baylanıstı kúsheytiw hám Aralboyı aymaǵına tán ekologiyalıq hám veterinariya mashqalaların ilimiy tiykarda tereń analizlewden ibarat boldı.
Sonıń menen birge, ánjuman tarawda toplanǵan ilimiy potencialdı ámeliy sheshimlerge baǵdarlaw, bar mashqalalarǵa baylanıslı jańa ilimiy kózqaras hám usınıslardı qáliplestiriw ushın áhmiyetli tiykar jarattı.
Konferenciya dawamında usınılǵan bayanatlar ilimiy mazmunı hám ámeliy áhmiyeti menen ajıralıp turdı. Atap aytqanda, veterinariya ilimleri boyınsha filosofiya doktorı (PhD) A.Seypullaevtıń "Aralboyı aymaǵı sharayatında qaramallarda vitamin hám mineral almasıwınıń buzılıw ózgeshelikleri" atamasındaǵı bayanatı ayrıqsha itibarǵa iye boldı.
Onda ekologiyalıq jaǵday, ot-jem quramı hám klimat ózgeriwleriniń haywanlar organizmi jáne ónimdarlıǵına tásiri ilimiy tiykarda sáwlelendirilgen. Izertlew nátiyjeleri vitamin-mineral jetispewshiligi immunitet tómenlewi, reproduktiv mashqalalar hám ónimdarlıqtıń azayıwına alıp keletuǵının kórsetedi.
Sonlıqtan ilimiy tiykarlanǵan azıqlandırıw, bioximiyalıq monitoring hám zamanagóy veterinariya texnologiyaların engiziw áhmiyetli bolıp esaplanadı. Qánigelerdiń pikirinshe, Aralboyı sharwashılıǵın rawajlandırıwda dástúriy qatnaslar jeterli emes, sanlı hám biotexnologiyalıq sheshimlerge tiykarlanǵan kompleksli qatnas zárúr.
Konferenciya dawamında alǵa qoyılǵan usınıslar Aralboyı regionında veterinariya hám sharwashılıqtı zamanagóy talaplar tiykarında rawajlandırıw, ilimiy potencialdı ámeliy nátiyjelerge jaqınlastırıw hám tarawdıń básekige shıdamlılıǵın arttırıw baǵdarında áhmiyetli tiykar bolıp xızmet etti.
Bul ilimiy-ámeliy konferenciya Aralboyı aymaǵında sharwashılıq hám veterinariya tarawların rawajlandırıwǵa qaratılǵan ilimiy pikirlesiw hám birge islesiw processlerin jáne de jedellestiretuǵın áhmiyetli waqıya sıpatında atap ótildi.
