Nukusdagi “Do‘stlik festivali” oliy ta’lim muassasalarini bir nuqtada jamladi
04 июн 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Iygilikli baslama astında filialda úy haywanlarına biypul veterinariya járdemi kórsetilmekte
Aldın xabar bergenimizdey, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı tárepinen "Xalıqaralıq veterinariya kúni" múnásibeti menen 25-aprelge shekem keń kólemli biypul veterinariya xızmeti akciyası jolǵa qoyılǵan edi.
Bul akciya búgingi kúnde de izbe-iz dawam ettirilip, xalıqtıń sharwa hám úy haywanlarınıń salamatlıǵın támiyinlewde úlken ámeliy áhmiyetke iye bolmaqta. Akciya sheńberinde puqaralar tárepinen alıp kelingen haywanlar filialdıń tájiriybeli hám maman qánigeleri tárepinen tereń klinikalıq tekseriwden ótkerilmekte.
Hár bir múrájat individual qatnas tiykarında úyrenilip, kesellikler diagnozı anıqlanıp, tiyisli emlew hám profilaktikalıq ilajlar sistemalı túrde ámelge asırılmaqta. Bul process bar keselliklerdi saplastıradı hám olardıń keleshekte qaytalanıwınıń aldın alıwǵa xızmet etedi.
Atap aytqanda, tájiriybeli qánige M.Sagızbaev tárepinen jatır túsiwi (prolaps) diagnozı qoyılǵan qoyda quramalı xirurgiyalıq ámeliyat tabıslı orınlandı. Joqarı anıqlıq hám abaylılıq penen ótkerilgen operaciya nátiyjesinde haywannıń ómiri saqlap qalındı hám onıń ulıwma jaǵdayı turaqlastı. Bul jaǵday filial qánigeleriniń kásiplik potencialı hám ámeliy tájiriybesin ayqın kórsetti.
—Filialdıń sociallıq tarmaqları arqalı biypul akciya járiyalanıwın kórip, dárhal múrájat ettik. Bir neshe kúnnen berli kútimdegi qoyımız kesellikten azap shegip atır edi. Qánigeler óz waqtında járdem berip, operaciyanı tabıslı ótkerdi. Búgin haywanımızdıń awhalı ádewir jaqsı. Bunday iygilikli baslamalar, álbette, xalqımız ushın úlken payda keltirmekte. filial jámáátine shın júrekten minnetdarshılıq bildiremiz —deydi I.Abdiniyazaqov.
Sonday-aq, akciya dawamında pıshıqlarda ushırasatuǵın ayaq paralichi hám irińli vulvit sıyaqlı kesellikler anıqlanıp, olarǵa qarsı kompleksli emlew jumısları alıp barılmaqta.
Sonıń ishinde, zárúr jaǵdaylarda xirurgiyalıq operaciyalar orınlanıp, antibiotikoterapiya, vitamin-mineral kompleksleri menen emlew hám dezinfekciya ilajları tolıq ámelge asırılmaqta. Itibarlı tárepi, barlıq veterinariya xızmetleri — diagnostika, emlew, shanshıw hám profilaktika ilajları pútkilley biypul tiykarda kórsetilmekte.
Bul bolsa xalıqtıń veterinariya xızmetlerine bolǵan talabın qanaatlandırıw menen birge, olardıń haywanlar salamatlıǵına bolǵan itibarın jáne de arttırıwǵa xızmet etpekte.
Bul akciya arqalı haywanlardıń salamatlıǵı qorǵalıp, jámiyette miyrim-shápáát, juwapkershilik hám ǵamqorlıq qádiriyatları bekkemlenbekte. Xalıqtıń unamlı minnetdarshılıǵı bul baslamanıń áhmiyetli ekenligin jáne bir márte tastıyıqlaydı.
Bul akciya búgingi kúnde de izbe-iz dawam ettirilip, xalıqtıń sharwa hám úy haywanlarınıń salamatlıǵın támiyinlewde úlken ámeliy áhmiyetke iye bolmaqta. Akciya sheńberinde puqaralar tárepinen alıp kelingen haywanlar filialdıń tájiriybeli hám maman qánigeleri tárepinen tereń klinikalıq tekseriwden ótkerilmekte.
Hár bir múrájat individual qatnas tiykarında úyrenilip, kesellikler diagnozı anıqlanıp, tiyisli emlew hám profilaktikalıq ilajlar sistemalı túrde ámelge asırılmaqta. Bul process bar keselliklerdi saplastıradı hám olardıń keleshekte qaytalanıwınıń aldın alıwǵa xızmet etedi.
Atap aytqanda, tájiriybeli qánige M.Sagızbaev tárepinen jatır túsiwi (prolaps) diagnozı qoyılǵan qoyda quramalı xirurgiyalıq ámeliyat tabıslı orınlandı. Joqarı anıqlıq hám abaylılıq penen ótkerilgen operaciya nátiyjesinde haywannıń ómiri saqlap qalındı hám onıń ulıwma jaǵdayı turaqlastı. Bul jaǵday filial qánigeleriniń kásiplik potencialı hám ámeliy tájiriybesin ayqın kórsetti.
—Filialdıń sociallıq tarmaqları arqalı biypul akciya járiyalanıwın kórip, dárhal múrájat ettik. Bir neshe kúnnen berli kútimdegi qoyımız kesellikten azap shegip atır edi. Qánigeler óz waqtında járdem berip, operaciyanı tabıslı ótkerdi. Búgin haywanımızdıń awhalı ádewir jaqsı. Bunday iygilikli baslamalar, álbette, xalqımız ushın úlken payda keltirmekte. filial jámáátine shın júrekten minnetdarshılıq bildiremiz —deydi I.Abdiniyazaqov.
Sonday-aq, akciya dawamında pıshıqlarda ushırasatuǵın ayaq paralichi hám irińli vulvit sıyaqlı kesellikler anıqlanıp, olarǵa qarsı kompleksli emlew jumısları alıp barılmaqta.
Sonıń ishinde, zárúr jaǵdaylarda xirurgiyalıq operaciyalar orınlanıp, antibiotikoterapiya, vitamin-mineral kompleksleri menen emlew hám dezinfekciya ilajları tolıq ámelge asırılmaqta. Itibarlı tárepi, barlıq veterinariya xızmetleri — diagnostika, emlew, shanshıw hám profilaktika ilajları pútkilley biypul tiykarda kórsetilmekte.
Bul bolsa xalıqtıń veterinariya xızmetlerine bolǵan talabın qanaatlandırıw menen birge, olardıń haywanlar salamatlıǵına bolǵan itibarın jáne de arttırıwǵa xızmet etpekte.
Bul akciya arqalı haywanlardıń salamatlıǵı qorǵalıp, jámiyette miyrim-shápáát, juwapkershilik hám ǵamqorlıq qádiriyatları bekkemlenbekte. Xalıqtıń unamlı minnetdarshılıǵı bul baslamanıń áhmiyetli ekenligin jáne bir márte tastıyıqlaydı.
