Media-tur: yangi talabalar turar joyidagi zamonaviy sharoitlar va imkoniyatlar
23 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Filialda sharwashılıqtı rawajlandırıwǵa qaratılǵan oqıw kursı baslandı
Samarqand mámlketlik veterinariya medicinası, sharwashılıq hám biotexnologiyalar universiteti Nókis filialında Qaraqalpaqstan Respublikası Kámbaǵallıqtı qısqartıw hám bántlik ministrligi menen birgelikte "Haywanlardı azıqlandırıw hám jasalma tuqımlandırıw" atamasında oqıw kursı shólkemlestirildi. Búgin usı oqıw kursınıń rásmiy ashılıw máresimi bolıp ótti.
Ilajdı filial direktorı A.Esimbetov ashıp berip, óziniń shıǵıp sóylegen sózinde sharwashılıq tarawın ilimiy tiykarda rawajlandırıw búgingi kúnniń áhmiyetli wazıypalarınan biri ekenin atap ótti. Sonday-aq, bul oqıw kursı qánigelerdiń kásiplik potencialın kúsheytiw menen birge, aymaqlarda sharwashılıqtı jańa basqıshqa alıp shıǵıwǵa xızmet etetuǵını ayrıqsha atap ótildi. Ilaj dawamında Qaraqalpaqstan Respublikası Kámbaǵallıqtı qısqartıw hám bántlik ministriniń birinshi orınbasarı A.Qayratdinov shıǵıp sóyledi. Ol óziniń shıǵıp sóylegen sózinde bunday ámeliy oqıw kursları arqalı tarawdıń rawajlanıwı támiyinleniwi hám xalıqtıń bántligin arttırıw, ásirese, jaslardı kásip-ónerge baǵdarlaw arqalı kámbaǵallıqtı qısqartıwǵa erisiliwin atap ótti.
Oqıw kursında qala hám rayonlardaǵı veterinariya bólimleriniń xızmetkerleri, násilshilik qánigeleri hám taraw wákilleri qatnaspaqta. Bul bolsa usı baslamanıń ámeliy áhmiyetin jáne de arttırıp, aymaqlıq dárejede unamlı nátiyjelerge erisiw imkaniyatın beredi. Sonıń menen birge, oqıw kursı tek ǵana qánigeler menen sheklenip qalmastan, sharwashılıqqa qızıǵıwshılıq bildirgen jumıssız jaslardı da qamtıp alǵanı menen áhmiyetli. Tıńlawshılar oqıw processinde haywanlardı ilimiy tiykarda azıqlandırıw, násildi jaqsılawda jasalma tuqımlandırıw usıllarınan nátiyjeli paydalanıw, zamanagóy texnologiyalardı qollanıw sıyaqlı baǵdarlarda zárúr bilim hám ámeliy kónlikpelerge iye bolmaqta.
Bir hápte dawam etetuǵın oqıw kursları sheńberinde filialdıń tájiriybeli professor-oqıtıwshıları tárepinen teoriyalıq sabaqlar menen bir qatarda ámeliy sabaqlar da shólkemlestirilmekte. Bul bolsa tıńlawshılardıń alǵan bilimlerin tikkeley ámeliyat penen bekkemlew imkaniyatın bermekte. Eń áhmiyetli táreplerden biri sonda, oqıw kursın tabıslı tamamlaǵan qatnasıwshılarǵa óz jumısın baslawı ushın keń imkaniyatlar jaratıladı. Sonıń ishinde, olarǵa sharwashılıq baǵdarında isbilermenlikti jolǵa qoyıw ushın jeńilletilgen kreditler ajıratıw, zárúr másláhát hám ámeliy járdem beriw rejelestirilgen. Bul bolsa jaslardıń óz biznesin baslawına, jańa jumıs orınların jaratıwına hám turaqlı dáramat dáregine iye bolıwına xızmet etedi. Bul oqıw kursınıń tiykarǵı maqseti — sharwashılıq tarawında zamanagóy bilim hám texnologiyalardı keńnen engiziw, qánigelerdiń mamanlıǵın arttırıw hám jumıssız jaslardı kásipke baǵdarlaw arqalı olardıń bántligin támiyinlewden ibarat. Sonday-aq, bunday baslamalar aymaqlarda sharwashılıqtı turaqlı rawajlandırıw, ónimdarlıqtı arttırıw hám xalıqtıń abadanlıǵın joqarılatıwda áhmiyetli faktor bolıp xızmet etedi.
Ilajdı filial direktorı A.Esimbetov ashıp berip, óziniń shıǵıp sóylegen sózinde sharwashılıq tarawın ilimiy tiykarda rawajlandırıw búgingi kúnniń áhmiyetli wazıypalarınan biri ekenin atap ótti. Sonday-aq, bul oqıw kursı qánigelerdiń kásiplik potencialın kúsheytiw menen birge, aymaqlarda sharwashılıqtı jańa basqıshqa alıp shıǵıwǵa xızmet etetuǵını ayrıqsha atap ótildi. Ilaj dawamında Qaraqalpaqstan Respublikası Kámbaǵallıqtı qısqartıw hám bántlik ministriniń birinshi orınbasarı A.Qayratdinov shıǵıp sóyledi. Ol óziniń shıǵıp sóylegen sózinde bunday ámeliy oqıw kursları arqalı tarawdıń rawajlanıwı támiyinleniwi hám xalıqtıń bántligin arttırıw, ásirese, jaslardı kásip-ónerge baǵdarlaw arqalı kámbaǵallıqtı qısqartıwǵa erisiliwin atap ótti.
Oqıw kursında qala hám rayonlardaǵı veterinariya bólimleriniń xızmetkerleri, násilshilik qánigeleri hám taraw wákilleri qatnaspaqta. Bul bolsa usı baslamanıń ámeliy áhmiyetin jáne de arttırıp, aymaqlıq dárejede unamlı nátiyjelerge erisiw imkaniyatın beredi. Sonıń menen birge, oqıw kursı tek ǵana qánigeler menen sheklenip qalmastan, sharwashılıqqa qızıǵıwshılıq bildirgen jumıssız jaslardı da qamtıp alǵanı menen áhmiyetli. Tıńlawshılar oqıw processinde haywanlardı ilimiy tiykarda azıqlandırıw, násildi jaqsılawda jasalma tuqımlandırıw usıllarınan nátiyjeli paydalanıw, zamanagóy texnologiyalardı qollanıw sıyaqlı baǵdarlarda zárúr bilim hám ámeliy kónlikpelerge iye bolmaqta.
Bir hápte dawam etetuǵın oqıw kursları sheńberinde filialdıń tájiriybeli professor-oqıtıwshıları tárepinen teoriyalıq sabaqlar menen bir qatarda ámeliy sabaqlar da shólkemlestirilmekte. Bul bolsa tıńlawshılardıń alǵan bilimlerin tikkeley ámeliyat penen bekkemlew imkaniyatın bermekte. Eń áhmiyetli táreplerden biri sonda, oqıw kursın tabıslı tamamlaǵan qatnasıwshılarǵa óz jumısın baslawı ushın keń imkaniyatlar jaratıladı. Sonıń ishinde, olarǵa sharwashılıq baǵdarında isbilermenlikti jolǵa qoyıw ushın jeńilletilgen kreditler ajıratıw, zárúr másláhát hám ámeliy járdem beriw rejelestirilgen. Bul bolsa jaslardıń óz biznesin baslawına, jańa jumıs orınların jaratıwına hám turaqlı dáramat dáregine iye bolıwına xızmet etedi. Bul oqıw kursınıń tiykarǵı maqseti — sharwashılıq tarawında zamanagóy bilim hám texnologiyalardı keńnen engiziw, qánigelerdiń mamanlıǵın arttırıw hám jumıssız jaslardı kásipke baǵdarlaw arqalı olardıń bántligin támiyinlewden ibarat. Sonday-aq, bunday baslamalar aymaqlarda sharwashılıqtı turaqlı rawajlandırıw, ónimdarlıqtı arttırıw hám xalıqtıń abadanlıǵın joqarılatıwda áhmiyetli faktor bolıp xızmet etedi.
