Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Keleshekke qádem" — jaslar siyasatınıń ámeliy kórinisi hám isenimli perspektiva jolı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Keleshekke qádem" baǵdarlaması sheńberinde pitkeriwshi jaslar menen ushırasıw shólkemlestirildi.
Bul sáwbetlesiw Jańa Ózbekstanda jaslar máselesi mámleketlik siyasattıń tiykarǵı baǵdarlarınan biri sıpatında izbe-iz itibar qaratılıp atırǵanın jáne bir márte tastıyıqladı.
Ilajda filial basshıları menen bir qatarda Qaraqalpaqstan Respublikası Kámbaǵallıqtı qısqartıw hám bántlik ministriniń birinshi orınbasarı A.Qayratdinov, "Ózmilliybank"tiń "Keleshekke qádem" sektorı orayınıń menedjeri K.Sharipova, "Aloqabank" aymaqlıq orayınıń wákili T.Shamuratov hám "Mikrokreditbank" aymaqlıq basqarmasınıń juwapker xızmetkeri B.Saparov qatnastı.
Ushırasıwdı filial direktorı A.Esimbetov ashıp berip, búgingi rawajlanıw basqıshında jaslardıń bántligin támiyinlew, olardı isbilermenlikke keńnen tartıw hám erkin turmısqa tayarlaw mámleketlik siyasattıń áhmiyetli baǵdarına aylanǵanın ayrıqsha atap ótti. Bul baǵdarda joqarı bilimlendiriw mákemeleriniń jelkesine de úlken juwapkershilik júklenip atırǵanı atap ótildi.
Filialda usı jılı 205 pitkeriwshi úlken ómirge qádem qoyıw aldında tur. Olardıń 113 i bakalavr, 21 i magistratura basqıshınıń pitkeriwshileri, 71 i sırtqı tálim formasında bilim alǵan jaslar bolıp esaplanadı. Bul kórsetkishler aymaqta zamanagóy bilim hám kásiplik potencialǵa iye kadrlardıń qatarı izbe-iz keńeyip atırǵanınan dárek beredi.
Sáwbetlesiw dawamında qánigeler tárepinen "Keleshekke qádem" baǵdarlamasınıń mazmun-mánisi keńnen sáwlelendirildi. Atap ótilgenindey, bul baǵdarlama jaslardı qollap-quwatlawdıń jańa basqıshın baslap berip, olardıń ekonomikalıq belsendiligin arttırıw, baslamaların xoshametlew hám real dáramat dáreklerin jaratıwǵa xızmet etpekte.
Ásirese, qarjılay járdem, jeńilletilgen kreditler hám ámeliy másláhátler sisteması jaslar ushın keń imkaniyatlar esigin ashpaqta. Baǵdarlama sheńberinde alǵa qoyılıp atırǵan baslamalar mazmunı jaǵınan úzliksiz hám basqıshpa-basqısh rawajlanıwǵa tiykarlanǵan.
Onda jaslardı isbilermenlikke tartıw, óz biznesin qáliplestiriw, jumısın keńeytiw, investiciyalardı baǵdarlaw hám dáslepki kásiplik kónlikpelerdi bekkemlew sıyaqlı processler birden-bir sistema tiykarında birlestirilgen. Bul jantasıw jaslardıń ideyasın ámeliy nátiyjege aylandırıw, olardı ǵárezsiz ekonomikalıq subekt sıpatında qáliplestiriwge xızmet etpekte.
Búgingi kúnde mámleket kóleminde jaslardıń bántligin támiyinlew máselesi strategiyalıq dárejede qaralmaqta. "Keleshekke qádem" baǵdarlaması bolsa usı siyasattıń ámeliy kórinisi sıpatında turmısqa izbe-iz engizilmekte. Nátiyjede jaslardıń baslamaları qollap-quwatlanbaqta, olar ushın jańa imkaniyatlar jaratılmaqta, eń áhmiyetlisi, erteńgi kúnge isenim bekkemlenbekte.
Ushırasıw juwmaǵında pitkeriwshiler ózlerin qızıqtırǵan sorawlarǵa tolıq juwap aldı, qánigeler menen ashıq pikirlesti. Bul bolsa jaslardıń keleshek rejeleri jáne de anıq qáliplesiwine xızmet etti.
Juwmaqlap aytqanda, "Keleshekke qádem" baǵdarlaması búgingi jaslar ushın áhmiyetli sociallıq baslama bolıp, olardıń turmısta óz ornın tabıwı, jámiyette belsendi poziciyanı iyelewi hám mámlekettiń rawajlanıwına múnásip úles qosıwında bekkem tayanısh wazıypasın atqarmaqta.
Bul sáwbetlesiw Jańa Ózbekstanda jaslar máselesi mámleketlik siyasattıń tiykarǵı baǵdarlarınan biri sıpatında izbe-iz itibar qaratılıp atırǵanın jáne bir márte tastıyıqladı.
Ilajda filial basshıları menen bir qatarda Qaraqalpaqstan Respublikası Kámbaǵallıqtı qısqartıw hám bántlik ministriniń birinshi orınbasarı A.Qayratdinov, "Ózmilliybank"tiń "Keleshekke qádem" sektorı orayınıń menedjeri K.Sharipova, "Aloqabank" aymaqlıq orayınıń wákili T.Shamuratov hám "Mikrokreditbank" aymaqlıq basqarmasınıń juwapker xızmetkeri B.Saparov qatnastı.
Ushırasıwdı filial direktorı A.Esimbetov ashıp berip, búgingi rawajlanıw basqıshında jaslardıń bántligin támiyinlew, olardı isbilermenlikke keńnen tartıw hám erkin turmısqa tayarlaw mámleketlik siyasattıń áhmiyetli baǵdarına aylanǵanın ayrıqsha atap ótti. Bul baǵdarda joqarı bilimlendiriw mákemeleriniń jelkesine de úlken juwapkershilik júklenip atırǵanı atap ótildi.
Filialda usı jılı 205 pitkeriwshi úlken ómirge qádem qoyıw aldında tur. Olardıń 113 i bakalavr, 21 i magistratura basqıshınıń pitkeriwshileri, 71 i sırtqı tálim formasında bilim alǵan jaslar bolıp esaplanadı. Bul kórsetkishler aymaqta zamanagóy bilim hám kásiplik potencialǵa iye kadrlardıń qatarı izbe-iz keńeyip atırǵanınan dárek beredi.
Sáwbetlesiw dawamında qánigeler tárepinen "Keleshekke qádem" baǵdarlamasınıń mazmun-mánisi keńnen sáwlelendirildi. Atap ótilgenindey, bul baǵdarlama jaslardı qollap-quwatlawdıń jańa basqıshın baslap berip, olardıń ekonomikalıq belsendiligin arttırıw, baslamaların xoshametlew hám real dáramat dáreklerin jaratıwǵa xızmet etpekte.
Ásirese, qarjılay járdem, jeńilletilgen kreditler hám ámeliy másláhátler sisteması jaslar ushın keń imkaniyatlar esigin ashpaqta. Baǵdarlama sheńberinde alǵa qoyılıp atırǵan baslamalar mazmunı jaǵınan úzliksiz hám basqıshpa-basqısh rawajlanıwǵa tiykarlanǵan.
Onda jaslardı isbilermenlikke tartıw, óz biznesin qáliplestiriw, jumısın keńeytiw, investiciyalardı baǵdarlaw hám dáslepki kásiplik kónlikpelerdi bekkemlew sıyaqlı processler birden-bir sistema tiykarında birlestirilgen. Bul jantasıw jaslardıń ideyasın ámeliy nátiyjege aylandırıw, olardı ǵárezsiz ekonomikalıq subekt sıpatında qáliplestiriwge xızmet etpekte.
Búgingi kúnde mámleket kóleminde jaslardıń bántligin támiyinlew máselesi strategiyalıq dárejede qaralmaqta. "Keleshekke qádem" baǵdarlaması bolsa usı siyasattıń ámeliy kórinisi sıpatında turmısqa izbe-iz engizilmekte. Nátiyjede jaslardıń baslamaları qollap-quwatlanbaqta, olar ushın jańa imkaniyatlar jaratılmaqta, eń áhmiyetlisi, erteńgi kúnge isenim bekkemlenbekte.
Ushırasıw juwmaǵında pitkeriwshiler ózlerin qızıqtırǵan sorawlarǵa tolıq juwap aldı, qánigeler menen ashıq pikirlesti. Bul bolsa jaslardıń keleshek rejeleri jáne de anıq qáliplesiwine xızmet etti.
Juwmaqlap aytqanda, "Keleshekke qádem" baǵdarlaması búgingi jaslar ushın áhmiyetli sociallıq baslama bolıp, olardıń turmısta óz ornın tabıwı, jámiyette belsendi poziciyanı iyelewi hám mámlekettiń rawajlanıwına múnásip úles qosıwında bekkem tayanısh wazıypasın atqarmaqta.
