Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Náshebentlikke qarsı gúresiw salamat hám turaqlı keleshektiń bekkem tiykarı
Búgingi globallasıw sharayatında jaslardıń sanasın hár qıylı jat ideyalar, zıyanlı illetler hám sociallıq qáwip-qáterler nıshanaǵa alıp atırǵanı hesh kimge sır emes. Ásirese, náshebentlik bálesi bir insannıń táǵdirin, bunnan tısqarı jámiyettiń erteńgi keleshegin de izden shıǵaratuǵın faktor sıpatında barǵa sayın ayrıqsha itibar orayına shıqpaqta.
Usı kózqarastan, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ótkerilgen "Biz náshebentlikke yaq deymiz!" atamasındaǵı profilaktikalıq ilaj jaslar siyasatınıń tiykarǵı baǵdarları menen únles halda shólkemlestirildi.
Onda Qaraqalpaqstan Respublikası Ishki isler ministrligi Jámiyetlik tártipti saqlaw basqarmasınıń xızmetkeri, kapitan I.Embergenov, qatardaǵı R.Tawmuratov, Qaraqalpaqstan Respublikası AIJSqa qarsı gúresiw orayınıń shıpakeri G.Niyazova, filialdıń profilaktika inspektorı, kapitan Q.Qayıpnazarov hám student-jaslar qatnastı.
Ilajdı Jaslar menen islesiw, ruwxıylıq hám anǵartıwshılıq bóliminiń baslıǵı B.Paluaniyazov alıp bardı. Ilaj dawamında shıǵıp sóylegen qánigeler náshebentliktiń medicinalıq hám sociallıq mashqala sheńberinen biraz keń ekenin, ol millet genofondı hám mámleket turaqlılıǵına úlken qáwip tuwdırıwshı faktorǵa aylanıwı múmkin ekenin tereń tallawlar tiykarında jarıtıp berdi.
Ásirese, jaslardıń sanasın iyelewge urınıp atırǵan bunday illetlerge qarsı gúresiwde hár bir puqaranıń juwapkershiligi, sergekligi hám qatań puqaralıq poziciyası sheshiwshi áhmiyetke iye ekeni ayrıqsha atap ótildi.
Huqıq qorǵaw uyımlarınıń wákilleri tárepinen náshebentlik qurallarınıń nızamsız aylanısı, olardı tarqatıwǵa baylanıslı jınayatlar hám olarǵa nızamshılıqta belgilengen qatań juwapkershilik ilajları haqqında anıq hám tiykarlanǵan maǵlıwmatlar berildi. Bul bolsa jaslardıń sanasında nızam ústinligi hám juwapkershilik sezimin jáne de bekkemlewge xızmet etti.
Medicina tarawınıń wákili bolsa máselege insan salamatlıǵı prizmasınan qatnas jasap, náshebentliktiń organizmge jetkeretuǵın qaytıp bolmaytuǵın zıyanların, insandı fizikalıq hám ruwxıy jaqtan jemiriwshi tásirin turmıslıq mısallar tiykarında ashıp berdi. Bul bolsa ilaj qatnasıwshılarında tereń tásir qaldırdı.
Juwmaq ornında aytıw múmkin, bunday mazmunlı hám maqsetli ilajlar jaslardıń sanasında salamat turmıslıq kózqaraslardı qáliplestiriw, olardı hár qıylı jat illetlerden saqlaw jáne jámiyettiń turaqlı hám qáwipsiz keleshegin támiyinlewde úlken áhmiyetke iye. Sebebi salamat áwlad — bul tek ǵana búginniń emes, al erteńgi kúnniń de bekkem tiykarı bolıp esaplanadı.
Usı kózqarastan, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ótkerilgen "Biz náshebentlikke yaq deymiz!" atamasındaǵı profilaktikalıq ilaj jaslar siyasatınıń tiykarǵı baǵdarları menen únles halda shólkemlestirildi.
Onda Qaraqalpaqstan Respublikası Ishki isler ministrligi Jámiyetlik tártipti saqlaw basqarmasınıń xızmetkeri, kapitan I.Embergenov, qatardaǵı R.Tawmuratov, Qaraqalpaqstan Respublikası AIJSqa qarsı gúresiw orayınıń shıpakeri G.Niyazova, filialdıń profilaktika inspektorı, kapitan Q.Qayıpnazarov hám student-jaslar qatnastı.
Ilajdı Jaslar menen islesiw, ruwxıylıq hám anǵartıwshılıq bóliminiń baslıǵı B.Paluaniyazov alıp bardı. Ilaj dawamında shıǵıp sóylegen qánigeler náshebentliktiń medicinalıq hám sociallıq mashqala sheńberinen biraz keń ekenin, ol millet genofondı hám mámleket turaqlılıǵına úlken qáwip tuwdırıwshı faktorǵa aylanıwı múmkin ekenin tereń tallawlar tiykarında jarıtıp berdi.
Ásirese, jaslardıń sanasın iyelewge urınıp atırǵan bunday illetlerge qarsı gúresiwde hár bir puqaranıń juwapkershiligi, sergekligi hám qatań puqaralıq poziciyası sheshiwshi áhmiyetke iye ekeni ayrıqsha atap ótildi.
Huqıq qorǵaw uyımlarınıń wákilleri tárepinen náshebentlik qurallarınıń nızamsız aylanısı, olardı tarqatıwǵa baylanıslı jınayatlar hám olarǵa nızamshılıqta belgilengen qatań juwapkershilik ilajları haqqında anıq hám tiykarlanǵan maǵlıwmatlar berildi. Bul bolsa jaslardıń sanasında nızam ústinligi hám juwapkershilik sezimin jáne de bekkemlewge xızmet etti.
Medicina tarawınıń wákili bolsa máselege insan salamatlıǵı prizmasınan qatnas jasap, náshebentliktiń organizmge jetkeretuǵın qaytıp bolmaytuǵın zıyanların, insandı fizikalıq hám ruwxıy jaqtan jemiriwshi tásirin turmıslıq mısallar tiykarında ashıp berdi. Bul bolsa ilaj qatnasıwshılarında tereń tásir qaldırdı.
Juwmaq ornında aytıw múmkin, bunday mazmunlı hám maqsetli ilajlar jaslardıń sanasında salamat turmıslıq kózqaraslardı qáliplestiriw, olardı hár qıylı jat illetlerden saqlaw jáne jámiyettiń turaqlı hám qáwipsiz keleshegin támiyinlewde úlken áhmiyetke iye. Sebebi salamat áwlad — bul tek ǵana búginniń emes, al erteńgi kúnniń de bekkem tiykarı bolıp esaplanadı.
