Voleybol bahslari talaba-yoshlar o‘rtasida hamjihatlik va o‘zaro ishonchni yanada kuchaytirdi
16 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Voleybol jarısları student-jaslar arasında awızbirshilik hám óz-ara isenimdi jáne de kúsheytti
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında sport turmısı barǵan sayın janlanıp, student-jaslar arasında salamat báseki hám jámiyetshilik ortalıǵın bekkemlewge xızmet etip atırǵan áhmiyetli ilajlar izbe-iz dawam etpekte.
Atap aytqanda, "Jańa Ózbekstan studentler olimpiadası" sport jarısları sheńberinde er balalar arasında voleybol bellesiwleri bolıp ótti. Bul bellesiwler qatnasıwshılardıń sporttaǵı tayarlıǵı hám jámáátlik únlesligin ayqın sáwlelendirip, studentler arasında awızbirshilik, óz-ara húrmet hám jámáát aldındaǵı juwapkershilik sezimlerin jáne de bekkemledi.
Jarıs processleri keskin hám mawasasız ruwxta ótti. Hár bir komanda jeńiske umtılıp, maydanda bar kúsh hám imkaniyatın iske qostı. Tamashagóyler sıpatında qatnasqan student-jaslar bolsa óz komandaların qollap-quwatlap, jarıslarǵa jáne de kóterińki ruwx baǵıshladı. Ásirese, oyınlar dawamında baqlanǵan awızbirshilik, tezlik hám anıq háreketler qatnasıwshılardıń fizikalıq tayarlıǵı menen bir qatarda, olardıń ruwxıy shıdamlılıǵı da joqarı dárejede ekenin kórsetti. Bul bolsa filialda sportqa bolǵan itibar barǵan sayın kúsheyip atırǵanınıń jáne bir ámeliy kórinisi boldı.
—Voleybol jarısları studentlerdiń fizikalıq tayarlıǵın arttıradı, shaqqanlıq hám shıdamlılıq pazıyletlerin rawajlandıradı hám salamat báseki ortalıǵın qáliplestiredi — deydi "Ekonomika hám gumanitar pánler" kafedrasınıń oqıtıwshısı Q.Urazbaev.
Bunday jarıslar student-jaslardıń bos waqtın mazmunlı shólkemlestiriw, olardı salamat turmıs tárizine baǵdarlaw hám sport arqalı doslıq baylanısların bekkemlewde áhmiyetli faktor bolıp xızmet etpekte.
"Jańa Ózbekstan studentler olimpiadası" sport jarısları bolsa filialda qızǵın hám mawasasız ruwxta dawam etpekte.
Atap aytqanda, "Jańa Ózbekstan studentler olimpiadası" sport jarısları sheńberinde er balalar arasında voleybol bellesiwleri bolıp ótti. Bul bellesiwler qatnasıwshılardıń sporttaǵı tayarlıǵı hám jámáátlik únlesligin ayqın sáwlelendirip, studentler arasında awızbirshilik, óz-ara húrmet hám jámáát aldındaǵı juwapkershilik sezimlerin jáne de bekkemledi.
Jarıs processleri keskin hám mawasasız ruwxta ótti. Hár bir komanda jeńiske umtılıp, maydanda bar kúsh hám imkaniyatın iske qostı. Tamashagóyler sıpatında qatnasqan student-jaslar bolsa óz komandaların qollap-quwatlap, jarıslarǵa jáne de kóterińki ruwx baǵıshladı. Ásirese, oyınlar dawamında baqlanǵan awızbirshilik, tezlik hám anıq háreketler qatnasıwshılardıń fizikalıq tayarlıǵı menen bir qatarda, olardıń ruwxıy shıdamlılıǵı da joqarı dárejede ekenin kórsetti. Bul bolsa filialda sportqa bolǵan itibar barǵan sayın kúsheyip atırǵanınıń jáne bir ámeliy kórinisi boldı.
—Voleybol jarısları studentlerdiń fizikalıq tayarlıǵın arttıradı, shaqqanlıq hám shıdamlılıq pazıyletlerin rawajlandıradı hám salamat báseki ortalıǵın qáliplestiredi — deydi "Ekonomika hám gumanitar pánler" kafedrasınıń oqıtıwshısı Q.Urazbaev.
Bunday jarıslar student-jaslardıń bos waqtın mazmunlı shólkemlestiriw, olardı salamat turmıs tárizine baǵdarlaw hám sport arqalı doslıq baylanısların bekkemlewde áhmiyetli faktor bolıp xızmet etpekte.
"Jańa Ózbekstan studentler olimpiadası" sport jarısları bolsa filialda qızǵın hám mawasasız ruwxta dawam etpekte.
