Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Kiberqáwipsizlik hám zamanagóy qáwipler boyınsha profilaktikalıq ushırasıw
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında kiberjınayatshılıq hám zamanagóy kiberqáwiplerdiń aldın alıwǵa qaratılǵan profilaktikalıq ilaj ótkerildi.
Bul ilaj internet tarmaqları arqalı júz berip atırǵan jınayatlar, olardıń unamsız aqıbetleri hám jaslar arasında málimleme qáwipsizligi mádeniyatın bekkemlew máselelerine baǵıshlandı. Onda Qaraqalpaqstan Respublikası Ishki isler ministrligi Operativ-izlew xızmeti kiberqáwipsizlik bólimi qánigesi, aǵa leytenant A.Xodjaev, filial profilaktika inspektorı, kapitan Q.Qayıpnazarov hám student-jaslar qatnastı. Ilajdı Jaslar menen islesiw, ruwxıylıq hám aǵartıwshılıq bóliminiń baslıǵı B.Paluaniyazov ashıp berip, búgingi kúnde kiberqáwipsizlik máselesi ayrıqsha áhmiyetke iye ekenin, ásirese, jaslardıń internetten paydalanıw mádeniyatın qáliplestiriw zárúr ekenligin atap ótti.
Ilaj dawamında qánigeler tárepinen kiberjınayatshılıqtıń keń tarqalǵan túrleri, atap aytqanda, phishing, aldawshılıq, jeke maǵlıwmatlardı nızamsız qolǵa kirgiziw jaǵdayları haqqında tolıq túsinikler berildi. Sonday-aq, sociallıq tarmaqlar hám hár qıylı internet platformalarında ushırasıp atırǵan qáwip-qáterler, olardıń aldın alıw boyınsha ámeliy usınıslar keltirilgen.
Qatnasıwshılarǵa jeke maǵlıwmatlardı qorǵaw, isenimsiz siltemelerden paydalanbaw, belgisiz dáreklerden kelgen xabar hám usınıslarǵa abaylılıq penen múnásibette bolıw zárúr ekenligi túsindirildi. Sonıń menen birge, kiberjınayatlarǵa dus kelgende tiyisli shólkemlerge múrájat etiw tártibi haqqında da maǵlıwmat berildi.
Ilaj sońında student-jaslar ózlerin qızıqtırǵan sorawlarǵa qánigelerden tolıq juwaplar aldı. Bul ushırasıw jaslar arasında kiberqáwipsizlikke baylanıslı bilim hám kónlikpelerdi arttırıw, internet mákanında qáwipsiz ortalıqtı támiyinlewge qaratıldı.
Bul ilaj internet tarmaqları arqalı júz berip atırǵan jınayatlar, olardıń unamsız aqıbetleri hám jaslar arasında málimleme qáwipsizligi mádeniyatın bekkemlew máselelerine baǵıshlandı. Onda Qaraqalpaqstan Respublikası Ishki isler ministrligi Operativ-izlew xızmeti kiberqáwipsizlik bólimi qánigesi, aǵa leytenant A.Xodjaev, filial profilaktika inspektorı, kapitan Q.Qayıpnazarov hám student-jaslar qatnastı. Ilajdı Jaslar menen islesiw, ruwxıylıq hám aǵartıwshılıq bóliminiń baslıǵı B.Paluaniyazov ashıp berip, búgingi kúnde kiberqáwipsizlik máselesi ayrıqsha áhmiyetke iye ekenin, ásirese, jaslardıń internetten paydalanıw mádeniyatın qáliplestiriw zárúr ekenligin atap ótti.
Ilaj dawamında qánigeler tárepinen kiberjınayatshılıqtıń keń tarqalǵan túrleri, atap aytqanda, phishing, aldawshılıq, jeke maǵlıwmatlardı nızamsız qolǵa kirgiziw jaǵdayları haqqında tolıq túsinikler berildi. Sonday-aq, sociallıq tarmaqlar hám hár qıylı internet platformalarında ushırasıp atırǵan qáwip-qáterler, olardıń aldın alıw boyınsha ámeliy usınıslar keltirilgen.
Qatnasıwshılarǵa jeke maǵlıwmatlardı qorǵaw, isenimsiz siltemelerden paydalanbaw, belgisiz dáreklerden kelgen xabar hám usınıslarǵa abaylılıq penen múnásibette bolıw zárúr ekenligi túsindirildi. Sonıń menen birge, kiberjınayatlarǵa dus kelgende tiyisli shólkemlerge múrájat etiw tártibi haqqında da maǵlıwmat berildi.
Ilaj sońında student-jaslar ózlerin qızıqtırǵan sorawlarǵa qánigelerden tolıq juwaplar aldı. Bul ushırasıw jaslar arasında kiberqáwipsizlikke baylanıslı bilim hám kónlikpelerdi arttırıw, internet mákanında qáwipsiz ortalıqtı támiyinlewge qaratıldı.
