Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Korrupciyaǵa qarsı gúresiwde bilimlendiriw — áhmiyetli faktor
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Korrupciyanıń aldın alıwda bilimlendiriwdiń roli" atamasında ashıq sáwbet shólkemlestirildi.
Bul ushırasıw búgingi kúnde jámiyettiń rawajlanıwına tikkeley tásir etetuǵın eń áhmiyetli máselelerden biri —korrupciyaǵa qarsı sistemalı gúresiwdi kúsheytiw, ásirese, jaslardıń sanasında hadallıq, juwapkershilik hám nızam ústinligine súyengen puqaralıq poziciyasın qáliplestiriwge qaratılǵanı menen dıqqatqa ılayıq bolıp esaplanadı.
Ilajǵa Qaraqalpaqstan Respublikası Ministrler Keńesiniń korrupciyaǵa qarsı ishki qadaǵalaw bóliminiń baslıǵı B.Matmuratov, Ózbekstan Respublikası Bas prokuraturası janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarmasınıń bólim baslıǵı A.Qidirniyazov, filial basshıları hám student-jaslar qatnastı.
Ushırasıw dawamında shıǵıp sóylegen B.Matmuratov jaslar menen tikkeley sóylesip, korrupciyaǵa qarsı gúresiw hár bir puqaranıń jeke juwapkershiligi ekenin ayrıqsha atap ótti.
—Búgingi kúnde korrupciyaǵa qarsı gúresiw tek ǵana qadaǵalaw yamasa jazalawǵa tiykarlanǵan qatnas penen sheklenip qalmawı kerek, al bul process sanalı tańlaw, qatań puqaralıq poziciyası hám hadallıq principlerine sadıq qalıw arqalı qáliplesiwi zárúr.
Ásirese, jaslar jámiyettiń eń belsendi qatlamı sıpatında bul baǵdarda intaker bolıwı, hár qanday nızamsız jaǵdaylarǵa mawasasız múnásibet bildiriw arqalı salamat sociallıq ortalıqtı qarar taptırıwda jetekshi kúshke aylanıwı kerek —deydi B.Matmuratov.
Qánigeler tárepinen korrupciyanıń sociallıq-ekonomikalıq rawajlanıwǵa unamsız tásiri, onıń ashıq hám ádil jámiyet qurıw jolındaǵı tiykarǵı tosqınlıqlardan biri ekeni anıq mısallar arqalı kórsetip ótildi.
Usı kózqarastan, bilimlendiriw sisteması bilim beriw menen sheklenbey, joqarı mánawiyat, hadallıq hám nızamǵa húrmet ruwxın qáliplestiriwshi áhmiyetli sociallıq institut sıpatında ayrıqsha orın iyeleytuǵını atap ótildi.
Ilaj dawamında student-jaslar ózlerin qızıqtırǵan sorawlar menen belsene qatnasıp, qánigelerden hár tárepleme hám tiykarlanǵan juwaplar aldı. Ashıq hám unamlı ruwxta ótken sóylesiw jaslardıń huqıqıy sanasın bayıtıw, olarda korrupciyaǵa qarsı qatań immunitetti qáliplestiriw jolındaǵı áhmiyetli qádemlerden biri boldı.
Bul ushırasıw jaslardıń sanasında hadallıqtı qádiriyat dárejesine kóteriw, ashıq-aydınlıq hám ádillik principlerin turmıslıq ólshemge aylandırıw jáne keleshekte juwapkershilikli, hújdanlı hám principli kadrlardı tárbiyalaw jolında áhmiyetli baslama sıpatında atap ótildi.
Bul ushırasıw búgingi kúnde jámiyettiń rawajlanıwına tikkeley tásir etetuǵın eń áhmiyetli máselelerden biri —korrupciyaǵa qarsı sistemalı gúresiwdi kúsheytiw, ásirese, jaslardıń sanasında hadallıq, juwapkershilik hám nızam ústinligine súyengen puqaralıq poziciyasın qáliplestiriwge qaratılǵanı menen dıqqatqa ılayıq bolıp esaplanadı.
Ilajǵa Qaraqalpaqstan Respublikası Ministrler Keńesiniń korrupciyaǵa qarsı ishki qadaǵalaw bóliminiń baslıǵı B.Matmuratov, Ózbekstan Respublikası Bas prokuraturası janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarmasınıń bólim baslıǵı A.Qidirniyazov, filial basshıları hám student-jaslar qatnastı.
Ushırasıw dawamında shıǵıp sóylegen B.Matmuratov jaslar menen tikkeley sóylesip, korrupciyaǵa qarsı gúresiw hár bir puqaranıń jeke juwapkershiligi ekenin ayrıqsha atap ótti.
—Búgingi kúnde korrupciyaǵa qarsı gúresiw tek ǵana qadaǵalaw yamasa jazalawǵa tiykarlanǵan qatnas penen sheklenip qalmawı kerek, al bul process sanalı tańlaw, qatań puqaralıq poziciyası hám hadallıq principlerine sadıq qalıw arqalı qáliplesiwi zárúr.
Ásirese, jaslar jámiyettiń eń belsendi qatlamı sıpatında bul baǵdarda intaker bolıwı, hár qanday nızamsız jaǵdaylarǵa mawasasız múnásibet bildiriw arqalı salamat sociallıq ortalıqtı qarar taptırıwda jetekshi kúshke aylanıwı kerek —deydi B.Matmuratov.
Qánigeler tárepinen korrupciyanıń sociallıq-ekonomikalıq rawajlanıwǵa unamsız tásiri, onıń ashıq hám ádil jámiyet qurıw jolındaǵı tiykarǵı tosqınlıqlardan biri ekeni anıq mısallar arqalı kórsetip ótildi.
Usı kózqarastan, bilimlendiriw sisteması bilim beriw menen sheklenbey, joqarı mánawiyat, hadallıq hám nızamǵa húrmet ruwxın qáliplestiriwshi áhmiyetli sociallıq institut sıpatında ayrıqsha orın iyeleytuǵını atap ótildi.
Ilaj dawamında student-jaslar ózlerin qızıqtırǵan sorawlar menen belsene qatnasıp, qánigelerden hár tárepleme hám tiykarlanǵan juwaplar aldı. Ashıq hám unamlı ruwxta ótken sóylesiw jaslardıń huqıqıy sanasın bayıtıw, olarda korrupciyaǵa qarsı qatań immunitetti qáliplestiriw jolındaǵı áhmiyetli qádemlerden biri boldı.
Bul ushırasıw jaslardıń sanasında hadallıqtı qádiriyat dárejesine kóteriw, ashıq-aydınlıq hám ádillik principlerin turmıslıq ólshemge aylandırıw jáne keleshekte juwapkershilikli, hújdanlı hám principli kadrlardı tárbiyalaw jolında áhmiyetli baslama sıpatında atap ótildi.
