Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Nawrız — jańalanıw, mehir hám payızlı bayram
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Nawrızdı ulıǵlaw — insandı ulıǵlaw" degen iygilikli hám tereń mánili ideya astında Nawrız bayramı ózine tán kóterińki ruwx, qızǵınlıq hám milliy qádiriyatlarǵa suwǵarılǵan halda keńnen belgilendi.
Báhárdiń dáslepki nápesi sezilgen, tábiyat oyanıp, kewillerde jańalanıw hám jaqsılıq sezimleri yosh urıp atırǵan bul payızlı kúnlerde filial aymaǵı da ózgeshe sawlat hám tazalıqqa iye boldı. Bayram ilajında Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, joqarı oqıw orınlarınıń rektorları, abıraylı miymanlar hám filial jámááti bir ortaǵa jıynalıp, Nawrızdıń tatlı demlerin birgelikte bólisti.
Ilajdı filial direktorı A.Esimbetov ashıp berip, jıynalǵanlardı usı qutlı áyyam menen qızǵın qutlıqladı. Ol óz sózinde Nawrız ázelden xalqımızdıń qálbinde jasap kiyatırǵan miyrim-shápáát, keńpeyillik hám jańalanıw tımsalı ekenin ayrıqsha atap ótip, bárshege saw-salamatlıq, qut-bereket hám tabıslar tiledi.
Bayram baǵdarlaması milliy dástúr hám qádiriyatlarımızdı ózinde jámlegen ráńbáreń shıǵıwlarǵa bay boldı. Maydanlarda milliy oyınlar qızǵın tús alıp, sport jarısları jaslarǵa kúsh-ǵayrat hám quwanısh baǵıshladı. Hár bir qatnasıwshı bul processte tek ǵana bellespedi, al haqıyqıy bayram keypiyatın sezdi.
Ayrıqsha itibar qaratılǵan táreplerden biri — milliy taǵamlar kórgizbesi boldı. Onda miymandoslıq hám aspazlıq kórkem óneriniń biytákirar úlgileri kórsetilip, dasturxanlar payız-bereketke tolı boldı. Bayramnıń eń tásirli hám simvolikalıq waqıyalarınan biri bolsa qazanda súmelek qaynatılıwı boldı.
Qazan átirapında jıynalǵanlar kewlindegi jaqsı niyetlerin bildirip, áyyemgi dástúrlerimizdi dawam ettirdi. Súmelektiń áste-aqırın qaynap, mehir hám sabır menen tayarlanıwı misli insan qálbindegi páklik hám jaqsılıq tımsalı sıyaqlı kórindi.
Ilajdıń kórkemlik bólimi bolsa bayramǵa jáne de kóterińkilik baǵıshladı.
Estrada kórkem óner ǵayratkerleriniń atqarıwındaǵı qosıq-namalar, milliy ruwxtaǵı saxnalıq kórinisler hám tartımlı ayaq oyınlar jıynalǵanlarǵa umıtılmas zawıq baǵıshladı.
Hár bir ırǵaqta báhár nápesi, hár bir ayaq oyında bolsa milliylik sezilip turdı. Nawrız bayramı filialda haqıyqıy xalıqshıl ruwxta, shın júrekten hám awızbirshilik ortalıǵında ótkerilip, hámmeniń kewlinde unamlı tásirler qaldırdı.
Bul bayram jáne bir márte insanlardı jaqsılıqqa shaqırıp, miyrim-shápáát hám awızbirshilik qádiriyatların joqarı dárejede kórsett
Báhárdiń dáslepki nápesi sezilgen, tábiyat oyanıp, kewillerde jańalanıw hám jaqsılıq sezimleri yosh urıp atırǵan bul payızlı kúnlerde filial aymaǵı da ózgeshe sawlat hám tazalıqqa iye boldı. Bayram ilajında Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, joqarı oqıw orınlarınıń rektorları, abıraylı miymanlar hám filial jámááti bir ortaǵa jıynalıp, Nawrızdıń tatlı demlerin birgelikte bólisti.
Ilajdı filial direktorı A.Esimbetov ashıp berip, jıynalǵanlardı usı qutlı áyyam menen qızǵın qutlıqladı. Ol óz sózinde Nawrız ázelden xalqımızdıń qálbinde jasap kiyatırǵan miyrim-shápáát, keńpeyillik hám jańalanıw tımsalı ekenin ayrıqsha atap ótip, bárshege saw-salamatlıq, qut-bereket hám tabıslar tiledi.
Bayram baǵdarlaması milliy dástúr hám qádiriyatlarımızdı ózinde jámlegen ráńbáreń shıǵıwlarǵa bay boldı. Maydanlarda milliy oyınlar qızǵın tús alıp, sport jarısları jaslarǵa kúsh-ǵayrat hám quwanısh baǵıshladı. Hár bir qatnasıwshı bul processte tek ǵana bellespedi, al haqıyqıy bayram keypiyatın sezdi.
Ayrıqsha itibar qaratılǵan táreplerden biri — milliy taǵamlar kórgizbesi boldı. Onda miymandoslıq hám aspazlıq kórkem óneriniń biytákirar úlgileri kórsetilip, dasturxanlar payız-bereketke tolı boldı. Bayramnıń eń tásirli hám simvolikalıq waqıyalarınan biri bolsa qazanda súmelek qaynatılıwı boldı.
Qazan átirapında jıynalǵanlar kewlindegi jaqsı niyetlerin bildirip, áyyemgi dástúrlerimizdi dawam ettirdi. Súmelektiń áste-aqırın qaynap, mehir hám sabır menen tayarlanıwı misli insan qálbindegi páklik hám jaqsılıq tımsalı sıyaqlı kórindi.
Ilajdıń kórkemlik bólimi bolsa bayramǵa jáne de kóterińkilik baǵıshladı.
Estrada kórkem óner ǵayratkerleriniń atqarıwındaǵı qosıq-namalar, milliy ruwxtaǵı saxnalıq kórinisler hám tartımlı ayaq oyınlar jıynalǵanlarǵa umıtılmas zawıq baǵıshladı.
Hár bir ırǵaqta báhár nápesi, hár bir ayaq oyında bolsa milliylik sezilip turdı. Nawrız bayramı filialda haqıyqıy xalıqshıl ruwxta, shın júrekten hám awızbirshilik ortalıǵında ótkerilip, hámmeniń kewlinde unamlı tásirler qaldırdı.
Bul bayram jáne bir márte insanlardı jaqsılıqqa shaqırıp, miyrim-shápáát hám awızbirshilik qádiriyatların joqarı dárejede kórsett
