Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Máripat nápesi studentlerge ruwx baǵıshladı
Joqarı oqıw orınlarında dástúriy tárizde ótkerilip kiyatırǵan "Máripat taratıp" joybarı gezektegi mánzilin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında taptı. Joybar sheńberindegi ushırasıwlar jaslardıń ruwxıy dúnyasın bayıtıw, kitap oqıwǵa bolǵan súyispenshiligin kúsheytiw hám dóretiwshilik pikirlewdi qollap-quwatlawǵa qaratıldı.
Dáslep dóretiwshi miymanlar paytaxtımızdaǵı 33-sanlı ulıwma bilim beriw mektebinde bolıp, ádebiyatqa hám dóretiwshilikke qızıqqan oqıwshılar menen qızǵın pikirlesti. Sóylesiw dawamında sózdiń kúshi, ilhám hám ádebiyattıń insan ómirindegi ornı haqqında pikirler bildirildi.
Bunnan soń, ruwxıy sapar filialda dawam etti. Miymanlar filial háwlisinde nan hám duz benen kútip alınıp, dáslep studentlerdiń dóretiwshilik jumısları kórsetilgen kórgizbe menen tanıstı.
Májilisler zalında bolıp ótken ushırasıwdı filial direktorı A.Esimbetov ashıp berdi. Ol óz sózinde "Máripat taratıp" joybarınıń jaslar tárbiyasındaǵı ornına toqtap ótip, bul baslama studentler arasında oqıw, pikirlew hám ózin-ózi rawajlandırıwǵa bolǵan qızıǵıwshılıqtı kúsheytip atırǵanın atap ótti.
Ilajda Ózbekstan xalıq jazıwshısı, Qaraqalpaqstan xalıq shayırı, Qaraqalpaqstan Jazıwshılar awqamınıń baslıǵı K.Karimov, Qaraqalpaqstan xalıq shayırı, "Ámiwdárya" jurnalınıń bas redaktorı X.Dawletnazarov hám Ózbekstanda xızmet kórsetken mádeniyat xızmetkeri, shayır B.Bobomurad qatnastı.
Dáslep dóretiwshi miymanlar paytaxtımızdaǵı 33-sanlı ulıwma bilim beriw mektebinde bolıp, ádebiyatqa hám dóretiwshilikke qızıqqan oqıwshılar menen qızǵın pikirlesti. Sóylesiw dawamında sózdiń kúshi, ilhám hám ádebiyattıń insan ómirindegi ornı haqqında pikirler bildirildi.
Bunnan soń, ruwxıy sapar filialda dawam etti. Miymanlar filial háwlisinde nan hám duz benen kútip alınıp, dáslep studentlerdiń dóretiwshilik jumısları kórsetilgen kórgizbe menen tanıstı.
Májilisler zalında bolıp ótken ushırasıwdı filial direktorı A.Esimbetov ashıp berdi. Ol óz sózinde "Máripat taratıp" joybarınıń jaslar tárbiyasındaǵı ornına toqtap ótip, bul baslama studentler arasında oqıw, pikirlew hám ózin-ózi rawajlandırıwǵa bolǵan qızıǵıwshılıqtı kúsheytip atırǵanın atap ótti.
Ilajda Ózbekstan xalıq jazıwshısı, Qaraqalpaqstan xalıq shayırı, Qaraqalpaqstan Jazıwshılar awqamınıń baslıǵı K.Karimov, Qaraqalpaqstan xalıq shayırı, "Ámiwdárya" jurnalınıń bas redaktorı X.Dawletnazarov hám Ózbekstanda xızmet kórsetken mádeniyat xızmetkeri, shayır B.Bobomurad qatnastı.
Zalda sóz hám mánawiyat ruwxı ústin boldı. Miymanlar jaslar menen sáwbette turmıs, dóretiwshilik hám insanıylıq qádiriyatlar haqqında óz pikirlerin bildirdi.
Miymanlar filialdıń Málimleme-resurs orayına da barıp, kitapxana jumısı menen tanıstı. "Zakovat" intellektuallıq oyını hám shıǵarmalar tańlawınıń jeńimpazları sıylıqlandı. Bul processler studentler arasında bilimge, oqıwǵa hám izleniwge bolǵan qızıǵıwshılıqtı jáne de arttırdı.
Sonday-aq, joybar sheńberinde jasıl mákandı keńeytiw hám tábiyatqa itibar ruwxında terek nállerin egiw ilajı da shólkemlestirildi. Bul iygilikli baslama mámleketimiz boylap ótip atırǵan "Tazalıq aylıǵı" menen únles tárizde ótkerildi.
Filial háwlisinde, jataqxana átiraplarında hám oqıw imaratlarınıń aldında egilgen hár bir nál miynet súygishlik, páklik hám jańalanıw tımsalına aylandı. Dóretiwshi miymanlar, professor-oqıtıwshılar hám studentler birgelikte ámelge asırǵan bul jumıs óz-ara awızbirshilik, tábiyatqa mehir hám jasıl turmıs ideyasınıń ámeliy kórinisine aylandı. Dóretiwshiler ijara úylerge barıp, ijara úylerde jasap atırǵan studentler menen qızǵın sáwbetlesti. Sóylesiw barısında bilimlendiriw processi, jaslardıń arzıw-niyetleri hám keleshekke bolǵan isenimi haqqında jıllı pikirler bildirildi.
Filialda ótkerilgen "Máripat taratıp" joybarı ilajları studentlerde kitapqa mehir, sózge itibar hám ruwxıy ósiwge bolǵan umtılıstı jáne de kúsheytti desek asıra aytqan bolmaymız. Hár bir ushırasıw qatnasıwshılarda jaqsı niyet, ruwxıy jańalanıw hám óz ústinde islew tilegin oyattı.
Miymanlar filialdıń Málimleme-resurs orayına da barıp, kitapxana jumısı menen tanıstı. "Zakovat" intellektuallıq oyını hám shıǵarmalar tańlawınıń jeńimpazları sıylıqlandı. Bul processler studentler arasında bilimge, oqıwǵa hám izleniwge bolǵan qızıǵıwshılıqtı jáne de arttırdı.
Sonday-aq, joybar sheńberinde jasıl mákandı keńeytiw hám tábiyatqa itibar ruwxında terek nállerin egiw ilajı da shólkemlestirildi. Bul iygilikli baslama mámleketimiz boylap ótip atırǵan "Tazalıq aylıǵı" menen únles tárizde ótkerildi.
Filial háwlisinde, jataqxana átiraplarında hám oqıw imaratlarınıń aldında egilgen hár bir nál miynet súygishlik, páklik hám jańalanıw tımsalına aylandı. Dóretiwshi miymanlar, professor-oqıtıwshılar hám studentler birgelikte ámelge asırǵan bul jumıs óz-ara awızbirshilik, tábiyatqa mehir hám jasıl turmıs ideyasınıń ámeliy kórinisine aylandı. Dóretiwshiler ijara úylerge barıp, ijara úylerde jasap atırǵan studentler menen qızǵın sáwbetlesti. Sóylesiw barısında bilimlendiriw processi, jaslardıń arzıw-niyetleri hám keleshekke bolǵan isenimi haqqında jıllı pikirler bildirildi.
Filialda ótkerilgen "Máripat taratıp" joybarı ilajları studentlerde kitapqa mehir, sózge itibar hám ruwxıy ósiwge bolǵan umtılıstı jáne de kúsheytti desek asıra aytqan bolmaymız. Hár bir ushırasıw qatnasıwshılarda jaqsı niyet, ruwxıy jańalanıw hám óz ústinde islew tilegin oyattı.
