“Men donorman” — ezgulik yo‘lidagi xayrli tashabbus
10 окт 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Keleshekke qádem" - jaslardıń arzıw-niyetlerin ámelge asırıwshı baǵdarlama
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında jaslardıń bántligin támiyinlew, olardıń isbilermenlik potencialın rawajlandırıw hám pitkeriwshilerdi óz tarawı boyınsha erkin jumıs alıp barıwǵa xoshametlew maqsetinde "Ózmilliybank" AJ Qaraqalpaqstan Respublikası filialı menen birgelikte "Keleshekke qádem" joybarı sheńberinde ushırasıw shólkemlestirildi.
Ilajda "Ózmilliybank" wákilleri Ózbekstan Respublikası Prezidentiniń 2025-jıl 14-fevraldaǵı "Joqarı bilimlendiriw mákemeleri pitkeriwshileriniń bántligin támiyinlewge kómeklesiw boyınsha qosımsha ilajlar haqqında"ǵı PP-61-sanlı qararı tiykarında ámelge asırılıp atırǵan "Keleshekke qádem" baǵdarlamasınıń mazmun-mánisin hár tárepleme túsindirip berdi. Ushırasıw dawamında bank qánigeleri tárepinen baǵdarlama sheńberinde ajıratılıp atırǵan jeńilletilgen kreditler, olardıń shártleri hám jaslar ushın jaratılıp atırǵan imkaniyatlar haqqında tolıq maǵlıwmatlar berildi. Bul baǵdarlama búgingi kúnde kóplegen belsendi hám intaker jaslar ushın óz ideyaların turmısqa engiziw, isbilermenlikti jolǵa qoyıw hám erkin jumıs alıp barıw jolında isenimli járdemshige aylanǵan.
Nókis filialında shólkemlestirilgen "Keleshekke qádem" orayı da áne usı maqsette jumıs alıp barıp, jaslardı baǵdarlamanıń imkaniyatlarınan paydalanıwǵa úyretiw, olardı biznes rejeler dúziw hám finanslıq sawatlılıqqa tayarlaw baǵdarında sistemalı jumıslardı ámelge asırıp kelmekte. Usı kúnge shekem Milliy banktiń "Keleshekke qádem" baǵdarlaması boyınsha 30 ǵa shamalas joybar islep shıǵılıp, olardan 23 joybar bank tárepinen qollap-quwatlanıp, ulıwma bahası 220 million sum muǵdarında jeńilletilgen kredit qarjıları ajıratıldı.
Bul joybarlar jaslardıń miynet bazarında óz ornın tabıwına keńnen jol ashpaqta. Itibarlı tárepi, ótken oqıw jılı pitkeriwshilerinen 22 student hám usı jıldıń pitkeriwshisi - házirgi 4-kurstıń 1 studenti "Keleshekke qádem" baǵdarlaması arqalı jeńilletilgen kredit alıwǵa eristi. Olar óz baǵdarları boyınsha kishi biznes jumısın jolǵa qoyıp, baǵdarlama arqalı berilgen imkaniyatlardı ámeliy nátiyjege aylandırmaqta. "Keleshekke qádem" baǵdarlaması - bul ápiwayı qarjılay járdem emes, al jaslardıń arzıw-niyetlerin ámelge asırıw, olardı jámiyette belsendi, intaker hám erkin shaxs sıpatında qáliplestiriwge xızmet etetuǵın keń kólemli baslama bolıp esaplanadı. Bul baǵdarlama arqalı jaratılıp atırǵan sharayatlar tek ǵana pitkeriwshiler emes, al pútkil jas áwladtıń aydın keleshegine bekkem tiykar bolıp xızmet etpekte.
