“Men donorman” — ezgulik yo‘lidagi xayrli tashabbus
10 окт 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Student-jaslar arasında "Jas koordinator" tańlawı ótkerildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslar arasında "Jas koordinator" tańlawı ótkerildi. Bul tańlawdan gózlengen tiykarǵı maqset - filialda belsendi, intalı hám jetekshi jaslardı anıqlaw, olardı jaslar arasında shólkemlestiriwshilik jumısına tartıw hám studentlerdiń jámiyetlik belsendiligin arttırıwdan ibarat.
Tańlawda qatnasqan talabanlar Jaslar menen islesiw, ruwxıylıq hám aǵartıwshılıq bólimi hám Jaslar awqamı baslanǵısh shólkemi tárepinen shólkemlestirilgen sáwbetlesiw processinde óz bilimleri, pikirlew qábileti hám jetekshilik kónlikpelerin kórsetti.
— Biz "Jas koordinator" tańlawın ótkeriw arqalı filialda belsendi, intalı hám jetekshilik potencialına iye jaslardı anıqlap, olardı studentlerge úlgi sıpatında úgit-násiyatlawdı maqset etkenbiz. Eń áhmiyetlisi sonda, bul tańlaw arqalı hár bir baǵdarda jaslardıń baslamasın qollap-quwatlaytuǵın, jámáátti birlestire alatuǵın koordinator tańlanadı deydi — Jaslar awqamı baslanǵısh shólkeminiń jetekshisi B.Xojabergenov.
Tańlaw sheńberinde jámi 7 baǵdar boyınsha eń múnásip studentler anıqlanadı. Jeńimpaz dep tabılǵan koordinatorlardıń atları filialdıń rásmiy kanalı hám sociallıq tarmaqlardaǵı betleri arqalı járiyalanadı.
Jaslar menen islesiw, ruwxıylıq hám aǵartıwshılıq bólimi hám Jaslar awqamı baslanǵısh shólkemi bul tańlaw arqalı student-jaslar arasında salamat báseki ortalıǵın jaratıw, olardıń sociallıq belsendiligin arttırıw, baslamaların qollap-quwatlaw hám keleshekte jetekshi kadrlar sıpatında qáliplesiwine xızmet etetuǵın sistemalı qatnastı jolǵa qoymaqta.
Jaslar menen islesiw, ruwxıylıq hám aǵartıwshılıq bólimi hám Jaslar awqamı baslanǵısh shólkemi bul tańlaw arqalı student-jaslar arasında salamat báseki ortalıǵın jaratıw, olardıń sociallıq belsendiligin arttırıw, baslamaların qollap-quwatlaw hám keleshekte jetekshi kadrlar sıpatında qáliplesiwine xızmet etetuǵın sistemalı qatnastı jolǵa qoymaqta.
