Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Qalqon" jámiyetlik toparı ushın múnásipler tańlap alındı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Qalqon" jámiyetlik toparın qáliplestiriw boyınsha tańlaw ótkerildi. Ilajda filial direktorınıń másláhátshisi R.Boboev, profilaktika inspektorı kapitan Q.Qayıpnazarov hám Jaslar awqamı baslanǵısh shólkeminiń jetekshisi B.Xojabergenov qatnastı.
Jaslar awqamı baslanǵısh shólkeminiń baslaması menen shólkemlestirilgen processte "Qalqon" jámiyetlik toparınıń qatarına qosılıw tileginde bolǵan studentler óz bilim hám qızıǵıwshılıqların kórsetti. Tańlaw kriteriyalarına bola, belsendi hám ziyrek studentler, áskeriy bilimlerge qızıǵatuǵın, jámáátte islewge tayar, intaker hám umtılıwshań jaslar tańlaw sınaqlarında ózlerin kórsetti.
Olardıń mártligi, tártip-qaǵıydaǵa bolǵan múnásibeti jáne tınıshlıq hám paraxatshılıqtı támiyinlewge bel baylaǵanı tańlawda tiykarǵı ólshemlerden biri boldı. Bahalawda studentlerdiń jámáátte islew kónlikpeleri, juwapkershilik sezimi hám kúsh-ǵayratı inabatqa alındı.
Nátiyjede 20 orın ushın tańlaw juwmaǵında 18 eń múnásip student "Qalqon" jámiyetlik toparına qabıl etildi. Filial basshıları processti jaslar arasında watansúyiwshilikti kúsheytiw, tártip-intizamdı bekkemlew hám salamat ortalıq jaratıwda áhmiyetli qádem sıpatında bahaladı. Jaslar awqamı baslanǵısh shólkemi bolsa topar jumısı arqalı studentlerde awızbirshilik hám unamlı keypiyattı arttırıwdı maqset etkenin bildirdi.
