Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Nókis filialında ilimiy-ámeliy jumıs monitoring etildi
Mámleketimizde joqarı bilimlendiriw sistemasınıń ilimiy-ámeliy baǵdarın kúsheytiw, tarmaq kárxanaları menen integraciyanı támiyinlew hám innovaciyalıq ideyalardı óndiriske engiziw mámleketlik siyasattıń tiykarǵı baǵdarlarınan biri bolıp esaplanadı. Ásirese, veterinariya hám sharwashılıq tarawında ilimiy potencialı joqarı, zamanagóy laboratoriyalarǵa iye bilimlendiriw mákemeleriniń belsendiligi ayrıqsha áhmiyetke iye bolmaqta.
Usı maqsette, Ózbekstan Respublikası Awıl xojalıǵı ministrligi janındaǵı Veterinariya hám sharwashılıqtı rawajlandırıw komiteti baslıǵınıń 2025-jıl 18-iyuldaǵı 107-sanlı buyrıǵı tiykarında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ámelge asırılıp atırǵan ilimiy-ámeliy jumıslardıń jaǵdayın úyreniw boyınsha monitoring ótkerildi.
Jumısshı toparǵa komitettiń Ilim hám bilimlendiriwdi rawajlandırıw bas qánigesi Sh.Mamatov basshılıq etti. 2025-jıl 2-avgust kúni sapar dawamında filialdıń usı jıldıń birinshi yarımındaǵı ilimiy-izertlew jumısları, innovaciyalıq joybarları, doktorantura jumısı, laboratoriya jumıs processleri hám olardı qarjılandırıw máseleleri hár tárepleme analiz etildi.
Sh.Mamatov universitette ilimiy jumıs ushın jaratılǵan sharayatlar, zamanagóy laboratoriyalar hám olardıń ámeliyat penen integraciyası jaǵdayın úyrenip, alıp barılıp atırǵan izertlewler hám olardıń nátiyjeliligin unamlı bahaladı.
Analizler sonı kórsetpekte, filialda ilimiy jumıslar aldınnan tastıyıqlanǵan temalar tiykarında, metodikalıq jaqtan puqta islep shıǵılǵan baǵdarlamalar tiykarında alıp barılmaqta. Ámelge asırılıp atırǵan ilimiy qollanbalardıń kópshiligi óndiriske engizilmekte, bul bolsa bilimlendiriw hám ámeliyat arasındaǵı baylanıslılıqtıń bekkemlenip atırǵanınan dárek beredi.
Juwmaq ornında aytıw kerek, Nókis filialı búgingi kúnde tek ǵana bilimlendiriw emes, al ilimiy-innovaciyalıq jumıs orayı sıpatında da qáliplesip barmaqta.
Jumısshı toparǵa komitettiń Ilim hám bilimlendiriwdi rawajlandırıw bas qánigesi Sh.Mamatov basshılıq etti. 2025-jıl 2-avgust kúni sapar dawamında filialdıń usı jıldıń birinshi yarımındaǵı ilimiy-izertlew jumısları, innovaciyalıq joybarları, doktorantura jumısı, laboratoriya jumıs processleri hám olardı qarjılandırıw máseleleri hár tárepleme analiz etildi.
Sh.Mamatov universitette ilimiy jumıs ushın jaratılǵan sharayatlar, zamanagóy laboratoriyalar hám olardıń ámeliyat penen integraciyası jaǵdayın úyrenip, alıp barılıp atırǵan izertlewler hám olardıń nátiyjeliligin unamlı bahaladı.
Analizler sonı kórsetpekte, filialda ilimiy jumıslar aldınnan tastıyıqlanǵan temalar tiykarında, metodikalıq jaqtan puqta islep shıǵılǵan baǵdarlamalar tiykarında alıp barılmaqta. Ámelge asırılıp atırǵan ilimiy qollanbalardıń kópshiligi óndiriske engizilmekte, bul bolsa bilimlendiriw hám ámeliyat arasındaǵı baylanıslılıqtıń bekkemlenip atırǵanınan dárek beredi.
Juwmaq ornında aytıw kerek, Nókis filialı búgingi kúnde tek ǵana bilimlendiriw emes, al ilimiy-innovaciyalıq jumıs orayı sıpatında da qáliplesip barmaqta.
