Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Áhmiyetli 90 kún": Studentler bilim hám pikirlew maydanında bellesti
Studentler arasında intellektuallıq potencialdı arttırıw, olardıń bos waqtın mazmunlı shólkemlestiriw hám jámáátlik ruwxın kúsheytiw búgingi kúnde bilimlendiriw mákemeleriniń áhmiyetli wazıypalarınan biri bolıp esaplanadı. Usı maqsette elimizdiń barlıq aymaqlarında "Áhmiyetli 90 kún" baslaması sheńberinde jaslar menen mánzilli hám sistemalı jumıs jolǵa qoyılǵan.
Usı baslama tiykarında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da student-jaslardıń bilimi, pikirlewi hám potencialın júzege shıǵarıwǵa qaratılǵan bir qatar ilajlar shólkemlestirilmekte.
Jazǵı lager aymaǵında ótkerilip atırǵan sport jarısları, kitapqumarlıq tańlawları, viktorinalar hám intellektuallıq oyınlar studentler arasında úlken qızıǵıwshılıq oyatpaqta. Bul bolsa olardıń bilim hám dúnyaqarasın keńeytiw menen birge, doslıq ortalıǵında belsene qatnasıwına tiykar jaratpaqta. Usınday ilajlardan biri - "Zakovat" intellektuallıq oyını boldı. Jaslar awqamı baslanǵısh shólkeminiń jetekshisi B.Xojabergenovtıń baslaması menen shólkemlestirilgen bul jarıs bilimli hám izleniwsheń studentlerdi bir maydanǵa jámledi. Oyın dawamında túrli joqarı oqıw orınlarınıń studentleri óz bilim hám oylaw kúshin kórsetti, jámáátlik pikirlew hám kelisimge keliw qábiletlerin sınaqtan ótkerdi.
Qızǵın hám mawasasız ótken bellesiwler juwmaǵında Ájiniyaz atındaǵı Nókis mámleketlik pedagogikalıq institutınıń komandası birinshi orındı iyeledi. Ekinshi orın Berdaq atındaǵı Qaraqalpaq mámleketlik universiteti komandasına nesip etti. Kúshli úshlikti bolsa Nókis mámleketlik texnika universitetiniń wákilleri juwmaqladı.
Jarıs juwmaǵında jeńimpaz komandalar estelik sawǵaları hám diplomlar menen sıylıqlandı. Eń áhmiyetlisi, studentler arasında bilimge umtılıw, logikalıq pikirlew hám salamat báseki ortalıǵı júzege keldi.
"Áhmiyetli 90 kún" sheńberinde ótkerilip atırǵan hár bir ilaj jaslardıń belsendiligin arttırıw, olarda intakerlik hám jámiyetshilik ruwxın kúsheytiwge qaratılǵan.
Usı baslama tiykarında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da student-jaslardıń bilimi, pikirlewi hám potencialın júzege shıǵarıwǵa qaratılǵan bir qatar ilajlar shólkemlestirilmekte.
Jazǵı lager aymaǵında ótkerilip atırǵan sport jarısları, kitapqumarlıq tańlawları, viktorinalar hám intellektuallıq oyınlar studentler arasında úlken qızıǵıwshılıq oyatpaqta. Bul bolsa olardıń bilim hám dúnyaqarasın keńeytiw menen birge, doslıq ortalıǵında belsene qatnasıwına tiykar jaratpaqta. Usınday ilajlardan biri - "Zakovat" intellektuallıq oyını boldı. Jaslar awqamı baslanǵısh shólkeminiń jetekshisi B.Xojabergenovtıń baslaması menen shólkemlestirilgen bul jarıs bilimli hám izleniwsheń studentlerdi bir maydanǵa jámledi. Oyın dawamında túrli joqarı oqıw orınlarınıń studentleri óz bilim hám oylaw kúshin kórsetti, jámáátlik pikirlew hám kelisimge keliw qábiletlerin sınaqtan ótkerdi.
Qızǵın hám mawasasız ótken bellesiwler juwmaǵında Ájiniyaz atındaǵı Nókis mámleketlik pedagogikalıq institutınıń komandası birinshi orındı iyeledi. Ekinshi orın Berdaq atındaǵı Qaraqalpaq mámleketlik universiteti komandasına nesip etti. Kúshli úshlikti bolsa Nókis mámleketlik texnika universitetiniń wákilleri juwmaqladı.
Jarıs juwmaǵında jeńimpaz komandalar estelik sawǵaları hám diplomlar menen sıylıqlandı. Eń áhmiyetlisi, studentler arasında bilimge umtılıw, logikalıq pikirlew hám salamat báseki ortalıǵı júzege keldi.
"Áhmiyetli 90 kún" sheńberinde ótkerilip atırǵan hár bir ilaj jaslardıń belsendiligin arttırıw, olarda intakerlik hám jámiyetshilik ruwxın kúsheytiwge qaratılǵan.
