Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Áhmiyetli 90 kún" sheńberinde kitaplar álemine sayaxat
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı studentleri "Áhmiyetli 90 kún" baslaması sheńberinde jazǵı lagerde dem alıs kúnlerin mazmunlı ótkermekte. Student-jaslardıń bos waqtın jáne de nátiyjeli shólkemlestiriw, olardıń intellektuallıq potencialın arttırıw hám kitapqa bolǵan súyispenshiligin kúsheytiw maqsetinde bir qatar mádeniy-aǵartıwshılıq ilajlar ótkerilmekte.
Atap aytqanda, filialdıń Málimleme-resurs orayınıń xızmetkerleri tárepinen jazǵı lager aymaǵında "Kitap - eń jaqsı dos" súreni astında kóshpeli kitaplar kórgizbesi shólkemlestirildi. Bul ilajda tek ǵana filialdıń emes, al basqa da joqarı oqıw orınlarında oqıp atırǵan, jazǵı lagerde dem alıp atırǵan studentler de belsene qatnastı.
Kórgizbe sheńberinde kórkem ádebiyatlar, zamanagóy ilimiy-teoriyalıq shıǵarmalar, awdarılǵan bestseller kitaplar menen tanısıw imkaniyatı jaratıldı. Ilaj qatnasıwshıları ózlerine unaǵan shıǵarmalar haqqında óz-ara pikir almastı, kitapqumarlıq mádeniyatın úgit-násiyatlaw baǵdarında qızıqlı sáwbetler shólkemlestirildi.
—Bunday ilajlar studentlerde kitapqumarlıq mádeniyatın qáliplestiriwde áhmiyetli orın iyeleydi. Bul arqalı tek ruwxıy dúnyamız bayıp ǵana qoymay, al pikirlew sheńberimiz de keńeyedi —deydi Málimleme-resurs orayınıń basshısı Z.Erlepesova.
Usı tárizde, "Áhmiyetli 90 kún" baslaması sheńberinde shólkemlestirilip atırǵan ilajlar studentlerdiń qızıqlı dem alıwı hám ruwxıy dúnyasınıń bayıwın támiyinlemekte.
