Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Bir maqset, bir baǵdar: mektep hám universitettiń unamlı birge islesiwi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Áhmiyetli 90 kún" baslaması sheńberinde tek ǵana student-jaslar emes, al ulıwma bilim beriw mektepleri oqıwshılarınıń jazǵı dem alısların mazmunlı shólkemlestiriwge ayrıqsha itibar qaratılmaqta.
Usı maqsette Nókis qalasındaǵı 32-sanlı ulıwma bilim beriw mektebi menen birgelikte mektep oqıwshıları ushın "Zakovat" intellektuallıq oyını shólkemlestirildi. Bul jarıs oqıwshılardı logikalıq pikirlew, operativ qarar qabıl etiw, jámáátte islesiw kónlikpelerine úyretiw, eń tiykarǵısı jazǵı dem alıstı mazmunlı ótkeriwge xızmet etti.
Ilajdı ashıp bergen mektep direktorı, belgili shayır G.Dawletova óziniń shıǵıp sóylegen sózinde universitet filialı menen jolǵa qoyılǵan bunday birge islesiwdi joqarı qádirlegen halda unamlı pikirlerlerin bildirdi.
— Zakovat - bul tek ǵana oyın emes. Bul - pikirlew maydanı, ziyreklik, sabır hám bilimniń ólshemi. Biz búgin perzentlerimizge úyreniw, pikirlew hám jeńiske isenim ruwxı menen bayıtılǵan ortalıqtı usındıq. Universitet penen bunday birge islesiw - jas áwladtı erkin pikirleytuǵın, bilimli hám sociallıq belsendilikke tayar shaxs etip tárbiyalawda áhmiyetli tiykar bolıp xızmet etedi— dedi G.Dawletova
Jarıs processinde oqıwshılar komandalar formasında belsene qatnasıp, bir-birin qollap-quwatlaw, bilim hám logikalıq juwmaqlar shıǵarıw boyınsha ózleriniń potencialın kórsetti. Bellesiw qızǵın, doslıq hám joqarı keypiyatta ótti.
Ilaj sońında eń jaqsı nátiyje kórsetken komandalar filial tárepinen diplom hám estelik sawǵaları menen sıylıqlandı. Mektep hám joqarı bilimlendiriw mákemesi arasındaǵı bunday birge islesiw jas áwladtı hár tárepleme rawajlandırıw, olardıń oy-pikirin bayıtıw hám bos waqtın mazmunlı ótkeriw ushın keń imkaniyatlar jaratatuǵınına gúman joq. "Áhmiyetli 90 kún" baslaması sheńberindegi bunday intellektuallıq joybarlar - iygilikli maqsetke birgelikte taslanǵan qádemler bolıp esaplanadı.
Usı maqsette Nókis qalasındaǵı 32-sanlı ulıwma bilim beriw mektebi menen birgelikte mektep oqıwshıları ushın "Zakovat" intellektuallıq oyını shólkemlestirildi. Bul jarıs oqıwshılardı logikalıq pikirlew, operativ qarar qabıl etiw, jámáátte islesiw kónlikpelerine úyretiw, eń tiykarǵısı jazǵı dem alıstı mazmunlı ótkeriwge xızmet etti.
Ilajdı ashıp bergen mektep direktorı, belgili shayır G.Dawletova óziniń shıǵıp sóylegen sózinde universitet filialı menen jolǵa qoyılǵan bunday birge islesiwdi joqarı qádirlegen halda unamlı pikirlerlerin bildirdi.
— Zakovat - bul tek ǵana oyın emes. Bul - pikirlew maydanı, ziyreklik, sabır hám bilimniń ólshemi. Biz búgin perzentlerimizge úyreniw, pikirlew hám jeńiske isenim ruwxı menen bayıtılǵan ortalıqtı usındıq. Universitet penen bunday birge islesiw - jas áwladtı erkin pikirleytuǵın, bilimli hám sociallıq belsendilikke tayar shaxs etip tárbiyalawda áhmiyetli tiykar bolıp xızmet etedi— dedi G.Dawletova
Jarıs processinde oqıwshılar komandalar formasında belsene qatnasıp, bir-birin qollap-quwatlaw, bilim hám logikalıq juwmaqlar shıǵarıw boyınsha ózleriniń potencialın kórsetti. Bellesiw qızǵın, doslıq hám joqarı keypiyatta ótti.
Ilaj sońında eń jaqsı nátiyje kórsetken komandalar filial tárepinen diplom hám estelik sawǵaları menen sıylıqlandı. Mektep hám joqarı bilimlendiriw mákemesi arasındaǵı bunday birge islesiw jas áwladtı hár tárepleme rawajlandırıw, olardıń oy-pikirin bayıtıw hám bos waqtın mazmunlı ótkeriw ushın keń imkaniyatlar jaratatuǵınına gúman joq. "Áhmiyetli 90 kún" baslaması sheńberindegi bunday intellektuallıq joybarlar - iygilikli maqsetke birgelikte taslanǵan qádemler bolıp esaplanadı.
Málimleme xızmeti
